Fólk er eitthvað að tala um að þetta sé málið. Ef við erum raunsæ þá hugsa ég að árið 2017 þá verði þetta komið í gagnið og fólk farið að nota þetta.

Sælt veri fólkið. Gaman að sjá ykkur öll hérna. Flott peysa Garðar. Á þriðjudaginn spilaði ég minn fyrsta golfhring á árinu. Ég og Gunnar Steinn skelltum okkur á Bakkakotið. Frekar mikið rok en gekk bærilega. Í gær, fimmtudag, skelltum við okkur síðan eins lítið undirbúnir í golfmót Samfylkingarinnar á GKG. Við spiluðum eins og Tiger Woods og enduðum á 70 höggum eða einum undir pari. Það var sem sagt spilað Texas Schramble. Þessi glæsi árangur færði okkur þriðja sætið. Munaði einu höggi að við hefðum tekið annað sætið annað árið í röð en slakt pútt á síðustu holunni hjá okkur báðum kom í veg fyrir það. 12 pör, 1 fugl, 2 bogeys og 3 double bogeys. Augljóst að næsta ár verður meira um golfið.

Mikil gleði var í Árnaskógi í dag þegar póstur barst frá ja.is þess efnis að skóginn er nú að finna á síðum www.ja.is. Meira um það hér.

Ég hef verið duglegur undanfarin ár að prufa alls konar þætti sem hafa svo sannarlega verið misjafnir. Ég verð afskaplega glaður þegar einhver bendir mér á nýja þætti sem ég hef ekki séð. Ennþá betra gamla þætti sem ég hef ekki séð. Gunnar Steinn benti mér á fína þætti sem heita Testees. Í stuttu máli fjallar þetta um tv0 gaura sem búa saman og vinna sem tilraunadýr hjá fyrirtæki sem hetir Testico. Þessi þáttur er ekki fyrir viðkvæma því að þeir gera í því að ganga fram af fólki.

Það er eitt season búið. Er frá 2008. Vona svo sannarlega að það mæti annað season í október í ár. Grunar samt að þessir þættir séu of grófir fyrir bandaríkjamenn og þar af leiðandi verður hann tekin af dagskrá. Svona eins og Family Guy var að lenda í.

Svo geta Dexter aðdáendur tekið gleði sína á ný þar sem að Season 4 er að hefja göngu sína hvað á hverju. Fyrsti þáttur er 27.september. Skemmtilegt að geta þess að það er hægt að skrifa “Testees” og “Dexter” með vinstri þar sem allir stafirnir eru vinstra megin á lyklaborðinu. Hugsa að lengsta orðið sem er hægt að skrifa með vinstri sé “stewardess”. Ef þið vitið um eitthvað lengra þá megið þið skjóta kommenti. Líka ef þið eruð með þætti sem þið haldið að ég hafi ekki séð.

Það er nokkuð augljóst að næsta mál á dagskrá er að leigja myndina The Blob frá 1988. Var að horfa á video á youtube um Alien Invaders myndir og þar er minnst á endurgerðina frá 1988 af myndinni The Blob. Í góða eina sekúndu eða svo sé ég bregða fyrir engum öðrum en Johnny Drama úr Entourage. Við erum augljóslega að tala um einn af betri persónum í sjónvarpsþáttum frá upphafi. Í mínum augum er enginn Kevin Dillon til heldur bara Johnny Drama. Þannig að planið mitt er að verða mér út um The Blob með Johnny Drama í aðalhlutverki sem fyrst!

Mikið af skemmtilegum fréttum þessa vikuna. Ungur og atvinnulaus maður kom til lögreglunnar og vildi kæra tvo útlendinga sem hann hafði góðfúslega rétt 10.000kr og ætlað að kaupa smá eiturlyf af. Þegar hann var búinn að greiða fyrir efnið þá hlupu þeir á brott og stálu af honum peningnum, hvor 5.000kr ríkari. Maðurinn auðvitað ekki sáttur við að hafa verið rændur en ég stórefast um að ég myndi hoppa beint til lögreglunnar og kæra dópsala fyrir að hafa rænt mig. Þetta er svona eins og þegar maður stelur snickers úti í búð og var ekki með gleraugun og var í rauninni að taka hnetupowerbar sem er svo sannarlega ekki snickers. Svo þegar maður mætir aftur í búðina þá er búið að loka og maður situr uppi með hnetupowerbar. Líklegast myndi ég ekki fara til lögreglunnar og kvarta að Nóatún væri búið að loka. (visir.is)

Herra Misheppnaður heldur áfram að skemmta fólki á klakanum. Skrifaði stuttan pistil einu sinni um Benedikt LaFleur eftir ítrekaðar misheppnaðar sundferðir hjá honum. Á laugardaginn voru allar björgunarsveitir í Skagafirði kallaðar út til að bjarga Benedikt. Leitin var hins vegar afturkölluð eftir 15 mínútur þegar kom í ljós að Benedikt var ekki týndur heldur hafði hann bara misst sundhettuna sína. (visir.is)

Það koma stundum fréttir á netfréttamiðlum landins þar sem það er eins og að fréttafólkið geri ráð fyrir að fólk viti töluvert meira heldur en það gerir. T.d. bar ein frétt hjá visir.is fyrirsögnina “Vick grét í fangelsinu”. Í fréttinni kemur fram að hann er leikstjórnandi, hann grét í fangelsinu, hann gerði sér ekki grein fyrir alvarleika málsins, hann er nýkominn með keppnisleyfi… en bíddu… hvað gerði hann. Stal hann hnetupowerbar úr Nóatúni, rændi hann ásamt vini sínum Íslending sem hélt að hann væri að kaupa eiturlyf, stal hann sundhettunni hand LaFleur eða hattinum hans Hallgríms. Það sem hefði átt að fylgja fréttinni er það að hann var ákærður fyrir að hafa starfrækt í um 5 ár ólöglega hundabardaga. Í kjölfarið var hann fundinn sekur og sendur í 23 mánaðar fangelsi. (visir.is)

Allra skemmtilegasta og furðulegasta fréttin kom núna í morgun þegar það var tilkynnt á mbl.is að hattinum hans Hallgríms Helgasonar hefði verið stolið. Sagan segir að hópur manna innan sjálfstæðisflokksins hafi stolið hattinum hans Hallgríms. Talað er um að Hallgrímur hafi verið að röfla eitthvað um að sjálfstæðismenn bæru ábyrgð á öllum vandamálum Íslands. Sjálfstæðismenn sem voru í brúðkaupinu sem atvikið átti sér stað í eru taldir hafa borgað einhverjum bæjarbúa 10.000kr fyrir að hafa stolið hattinum. Eina sem Hallgrímur vildi tjá sig um málið var “Já, þeir náðu hattinum.” (mbl.is)

Er svona hægt og rólega á síðustu vikum búinn að fara í gegnum allar myndirnar sem ég tók á spítalanum í Jinka í Eþíópíu í byrjun árs. Búinn að koma mér upp ágætis ferli þegar ég er að búa til sögur. Felst í rauninni bara í því að fækka myndunum hægt og rólega. Núna eru myndirnar komnar niður í c.a. 50 myndir sem ég er búinn að prenta út. Byrja sem sagt að velja í tölvunni og þegar ég er kominn niður í c.a. 50 myndir þá prenta ég út og dreyfi fyrir framan mig. Ágætt að fá einhvern utanaðkomandi til að kíkja á söguna með sér. Fínt vegna þess að viðkomandi hefur ekkert séð af sögunni og er því þannig séð hlutlaus. Hef bæði notið góðs af Sigurjóni og Billa í þessum efnum.

Top 10 Reykjavík and Iceland sem Dr. Gunni skrifaði og ég, Auður og Billi sáum um að myndskreyta er komin í búðir. Kostar 2.490kr og er á ensku. Er hugsuð fyrir ferðamennina en ég held að Íslendingar ættu að geta haft gaman af henni líka. Það var allavega fullt þarna sem kom mér á óvart.

Næsta bók sem ég sé um uppsetningu á er bókin “Úrvalið” eða “The Selection” sem Einar Falur hefur yfirumsjón með. Við erum að tala um 13 bestu íslensku ljósmyndarana frá upphafi og þetta er ansi myndarleg bók. Eitthvað sem ljósmyndarar og annað áhugafólk um íslenska sögu ætti ekki að láta fram hjá sér fara. Bókin kemur út samhliða sýningu sem verður haldin fyrst í Listasafni Akureyrar og síðan í Hafnarborg í Hafnarfirðinum. Held að allir ungir ljósmyndarar á Íslandi ættu að skella sér á þessa sýningu og kanna bókina. Mikilvægt að þekkja sögu íslenskrar ljósmyndunar. Meira um það seinna þegar hún kemur úr prentun.

Sendi að gamni inn tvær ljósmyndaseríur á http://www.viewbookphotostory.com/

Viewbook PhotoStory 2009 challenges documentary and conceptual photographers around the world to create compelling stories with a linear series of photographs in an online gallery; photo stories that are judged by the public and an internationally renowned jury. Every professional photographer and emerging talent can enter and win publications and great prices.

Sendi annars vegar söguna um Gunnar Nelson sem ég gerði í New York. Getið séð hana hér. Hins vegar sendi ég inn Commercial Whaling seríuna mína sem þið getið skoðað hér. Ef þið viljið þá getið þið farið þarna inn og kosið hvað ykkur finnst gott og hvað ekki. Virkilega mikið af sögum þarna og margar hverjar ansi góðar.