Mér var bent á The Big Bang Theory af henni Bjarnheiði. Þakka ég henni kærlega fyrir það þar sem þessir þættir eru gjörsamlega að hitta í mark á heimilinu. Þetta fjallar um 2 lúða sem búa saman og 2 lúðavini þeirra og svo sætu stelpuna á móti sem vinnur á The Cheescake Factory. Ég sé ýmislegt sem svipar til mín í þeim félögum. T.d. voru þeir að horfa á Battlestar Galactica. Ég var að byrja að horfa á season 3 og á 4 tilbúið. Sturtuhengið þeirra er Lotukerfið sem er sama hengi og hangir hérna á Kristnibrautinni. Svo er svona ýmislegt að týnast til eftir því sem líður á fyrstu seríuna. Mæli eindregið með að fólk tjékki á þessu ef það hefur ekki gert það nú þegar. Sérstaklega ef þú ert stærðfræðingur, ert hrifinn af Star Trek, átt lotukerfissturtuhengi eða bara almennt lúði inn við beinið.