Gerðist áskrifandi að tímariti sem kallast foto8 um daginn. Fékk sent í pósti nýjasta tímaritið sem og nokkur gömul sem ég pantaði með fyrir lítinn pening. Skellið ykkur bara á síðuna hjá þeim til að fræðast betur um þetta tímarit. Einhverjir ljósmyndarar vita samt ábyggilega hvað þetta er. Þar sem að bókaskápurinn undir sjónvarpinu er temmilega fullur af ljósmyndabókum og dóti þá varð ég að finna lausn á hvar ég ætti að kaupa tímaritin. Þetta eru allt saman bráðmyndarleg tímarit þannig að ágætis hugmynd að hafa þetta til sýnis. Ég og Auður fórum í að skoða á netinu… aðallega Auður samt… og hún fann fullt af dóti. Meðal annars blaðagrind frá Umbra sem heitir Mela Magazine Rack. Við ákváðum að þetta væri málið. Fórum að skoða hvað þetta kostaði á netinu og það var hægt að fá þetta fyrir um 60$. Sem er c.a. 5.000kr svo bætist við virðisauki þá er þetta 6.500kr. Svo kannski einhver sendingarkostnaður og önnur gjöld. Þannig að þetta myndi kannski enda í eitthvað um 8-10.000kr. Alltaf gott að tjékka hvað hlutirnir kosta hérna á fróninu því það er ágætt að styrkja svona einstaka sinnum íslenskt efnahagslíf þó svo að yfirleitt sé verið að klekkja á manni. Ég mundi eftir að hafa séð þessa blaðagrind í Húsganahöllinni á sínum tíma þannig að við fórum þangað. Við fundum hana og sáum að hún kostaði tæplega 17.000kr. Þegar ég var í þann mund að taka mynd af verðmiðanum kom afgreiðslukona að mér og spurði með glotti “Veistu hvað þetta er?” Ég vissi ekki hvort hún væri eitthvað skrítin því að yfirleitt er maður að skoða hluti sem maður veit eitthvað um. “Ertu að meina hvort ég viti að ég sé að skoða blaðagrind?” Hún svaraði eins og hún væri 7x betri en við “Já… þetta er svona design”. Ætli hún hafi ekki haldið að við værum einhverjir algjörir plebbar sem vissum ekki hvað hönnun væri þar sem við vorum í Carhartt buxum og hettupeysum. Þá var mælirinn orðinn temmilega fullur. Ég sagði henni að við værum að velta fyrir okkur þessu okurverði þar sem að þessi sama grind kostaði um 60$ á netinu. Hún svaraði “Og hvað þýðir það”. “Það þýðir um 5.000kr íslenskar og vaskur ofan á það sem er um 7.000kr þannig að sendingarkostnaður þarf að vera hærri en 10.000kr til að ég kaupi þetta hérna.” sagði ég. “Já… þið bara hugsið málið”. Og við fórum.
Fór svo að skoða þetta annars staðar á netinu og fann að Tekk Companyd er með þetta Umbra merki hérna á Íslandi samkvæmt umbra.com. Þar kostar þessi sama blaðagrind einungis 8.900kr sem er algjörlega sanngjarnt verð. Við fórum þangað fengum síðasta eintakið sem var smá rispa á og fengum grindina á 6.200kr í staðinn fyrir rétt tæplega 17.000kr sem grindin átti að kosta í Húsgagnahöllinni.
Niðurstaða úr þessu máli er að kanna alltaf hvað hlutir kosta á fleiri en einum stað.
Ólympíuleikarnir eru búnir. Það var vel hægt að fylgjast með þeim í Svíþjóð. Bæði sænska og danska sjónvarpið var með á nokkrum stöðvum allan daginn útsendingu og svo Eurosport með líka.
Það gerðist ýmislegt á þessum leikum. Einhver heimsmet í 100m og 200m hlaupi og fleira ómerkilegt. En það gerðist líka ansi margt hresst sem maður hefur bæði séð og ekki séð áður.
BÍTA Í VERÐLAUNAPENINGINN
Það voru allavega svona helmingurinn af þeim sem fékk verðlaun sem gerðist Skakki-Turninn-í-Pisa frumlegur og ákvað að bíta í verðlaunapeninginn. Er það bara ég eða er þetta ekki skelfilega ófrumlegt. Gaurinn eða gíran sem gerði þetta fyrst var fáránlega góður á því. Bíta bara í peninginn. Flipp! Þú varst að vinna ólympíugull. Þú ert einn sá allra besti í þinni íþróttagrein en eina sem þér dettur í hug er að bíta í helvítis glingrið? Hérna eru nokkrar af fólki að bíta í gullið.
HELJARSTÖKKIÐ
Það fer alltaf í taugarnar á mér þegar íþróttamenn eru búnir að vinna eitthvað afrek og taka heljarstökk. Yfirleitt er þetta þegar fólk er búið að klára sig í hástökki eða stangarstökki. Yfirleitt líka þeir sem vinna ekki heldur eru að detta út. Eins og þeim finnist nauðsynlegt að skella sér í eitt heljarstökk svona til rétt að sýna að þau séu ekki algjörir aular. Við vitum alveg að þetta fólk, sem getur stokkið vel yfir 2m í hástökki, eru frábærir íþróttamenn. Alveg óþarfi að sanna það með heljarstökki. Þetta er svona eins og að ólympíumeistarinn í fimleikum tæki einn “konnís” eftir að hafa tekið heljarstökk og flikkflakk dútsíhænujúkk á slá. Það væri bara aulalegt. Jafn aulalegt og það er að taka þetta heljarstökk á dýnunni eftir hástökkið.
STÖKKVA Í MARK
Ég hef lengi verið að velta fyrir mér alls konar leiðum til að svindla í frjálsum íþróttum. Er með á planinu að klifra upp stangastökksstöngina og standa uppi á henni og hoppa svo yfir. Fer í það seinna á árinu. En annað sem ég velti líka fyrir mér afhverju enginn henti sér í mark í hlaupunum. Það gerðist svo einmitt á leikunum í ár þegar USA maðurinn David Neville henti sér í mark í síðasta skrefinu og nældi sér þar af leiðandi í verðlaunapening, sem hann svo líklegast beit í.
Meira var það ekki. Fínasta skemmtun sem þessir Ólympíuleikar voru.
Það var fréttaþáttur áðan um Ólympíuleikana og í lokinn var verið að sýna alls konar skemmtilegt frá deginum í dag. Það voru japanskar sundkonur að gráta því þær unnu ekki, fótalaus sundkona og sitthvað fleira. Svo var endað á að sýna síðustu sekúndurnar í Ísland gegn Póllandi í handboltanum með íslenska lýsandanum. Hann var eins og vindurinn öskrandi og galandi og meira en ánægður að við vorum að komast í að spila um verðlaunasæti á Ólympíuleikunum.
Þetta var helvíti hress dagur í dag. Vöknuðum snemma og vorum komin yfir til Danmerkur klukkan svona 10. Vorum hress þar og versluðum og fengum okkur KFC að sjálfsögðu. Með okkar einkaþjóna eins og venjan er þegar KFC er heimsótt. Langar endilega að heyra frá fólki hvort það finni ekki rosalegan mun á gæðum á matnum á KFC á Íslandi og í Danmörku. Fyrir mér er þetta eins og svart og hvítt. Rosalega þurrt kjötið og brauðið á fróninu en allt massa djúsí í Danlandi. Ef það væri listi yfir hversu vel staðirnir eru að standa sig í gæðum og þjónustu og öllu þess háttar þá efast ég ekki um að Ísland reki lestina eins og vindurinn. Vorum svo komin aftur til Svíþjóðar til að fylgjast með jafnteflinu hjá Íslandi. Assgoti ágætt að vera komin í 8-liða úrslit og vonandi skiljum við Danmörkina eftir í reyk. Búja bingó eins og maðurinn sagði. Eftir leikinn tókum við Auður smá hacky sack úti í garði og sendum það að sjálfsögðu út á á qik.com eins og þið getið séð hérna fyrir neðan.
Svo tókum við smá tennis eftir og svo matur. Á morgun er síðan ferðinni heitið upp eftir Svíþjóð í dýragarð, gist í Stockhólmi í eina nótt og aftur niður til Staffanstorp á mánudaginn. Erum með bíl sem er með dvd og tengi fyrir leikjatölvu. Þannig að mögulega verður maður að spila RockBand alla leiðina uppeftir. Spurning hvort að trommur og læti komist í bílinn. Með í ferðinni verða Auður, Gylfi og Heiða. Á heimleiðinni verður síðan Tómas með þar sem við sækjum hann til Stockhólms.
Lífið er gott í Svíþjóðinni. Búinn að fara í búðir, spila tennis, spila körfubolta, spila hacky sack, horfa á ólympíuleikana, borða, drekka, horfa á duvda, spila RockBand, borða KFC, sækja teppi og hressilegt meira. Í gær sýndi Gylfi, sem er fáránlega góður í RockBand, þætti sem heita Angry Video Game Nerd. Þetta er með því fyndnara sem ég hef séð. Tjékkið endilega á honum á youtube og hérna fyrir neðan fylgir með eitt video frá honum.
Jæja. Erum að leggja af stað út á flugvöll eftir svona 30 mínútur eða svo. Ferðinni er heitið til Kaupmannahafnar og þaðan yfir til Svíþjóðar í bæ sem heitir Staffanstorp. Þar munum við gista hjá frændfólki hennar Auðar. Ég reyni að dúndra inn einni og einni færslu á meðan ég er úti og henda einhverjum myndum inn á Flickrið og Flickrið. Mögulega fara einhver video inn á qik.com þannig að þeir sem eru með mig í twitterinu sínu ættu að frétta af því um leið og það gerist.
Annars er það að frétta að þetta hérna video af kynningu á nýju búningunum hjá Bayern München er annaðhvort einhver sem heldur að hann sé rugl kúl að hafa skipulagt þetta. Eða einhver lærlingur sem kom með þessa hugmynd og er massa sniðugur og er ennþá að hlægja að yfirmennirnir hans hafi tekið svona vel í þessa vitleysu.
Djöfull byrja Ólympíuleikarnir vel. Bara búið að drepa eina konu og einn framið sjálfsmorð. Gott að Kínverjar æfðu vel og lengi alls konar hryðjuverkamögulegarárásirviðbrögð en gleymdu að hugsa fyrir því að fólk ætti hnífa.
Ég held að það sé ekkert jafn fyndið og ógáfulegt og þessar “myndafréttir” hjá visir.is. Þetta er eitthvað svo súrt að fréttamiðill sem á að vera í keppni við mbl.is um að vera besti fréttavefur landsins sé með aðra hverja frétt í fólksfréttum sem einhverja myndasýningu. En það er nú önnur saga. Ég að sjálfsögðu kíki samt alltaf á þetta til að reyna að sjá eitthvað sniðugt eða fyndið. Og nú var ein helvíti góðu. Myndafréttin segir frá Lúxuslífi Cindy Crawford og George Clooney.
Allt gott og blessað með það. Í textanum sem fylgir myndunum segir að Cindy Crawford og eiginmaður hennar, Rande Gerber, hafi skellt sér á skútuna hjá George Clooney. Eitthvað minnst á að George Clooney sé kominn yfir gengilbeinuna sem hann hætti með af því að hún fékk sér ný brjóst. Crawford var að leika við eiginmanninn á meðan Clooney var að lesa blöðin með sitt gráa hár í fararbroddi.
Það sem mér finnst skrítið að í fréttinni er ekkert minnst á hvað Bono, söngvari U2, var að gera þarna á milli þeirra hóstandi eins og enginn sé morgundagurinn.
Nú er ég langt frá því að vera einhver blaðamaður en maður hefði haldið að þetta væri fréttapunkturinn í þessari myndaseríu. Ekki það að Crawford hafi verið að gæla við eiginmann sinn Gerbeperbe á meðan Clooney gluggaði í blað. Ég bara spyr?
Verslunarmannahelgin er nýafstaðin og allt að komast á rétt ról. Eyjafólkið að þorna og Akureyringar bara með hráum lauk. Ég lét það vera að fara á einhverja útihátíð um helgina enda ekki vanur því. Hef haft það ágætt í útlöndum eða hérna í bænum um þessa helgi síðustu ár þannig að ég var lítið að breyta útaf vananum.
FÖSTUDAGUR
Ansi gott tjill hérna í bænum. Skelltum okkur í sundið og flatmöguðum úti í garði.
LAUGARDAGUR Sváfum út en síðan var ferðinni heitið austureftir á Vík og næsta nágreni. Mynduðum hressa lunda og reyndum að útskýra fyrir heimskum ferðamanni að lundinn væri með fisk í munninum en ekki að hann væri með skegg eins og hann virtist halda. Það var temmilegt rok en sól. Komum í bæinn og fórum út að borða á Fiskmarkaðinum um kvöldið. Fengum Sushi í forrétt og svo var það lamb í aðalrétt. Djöfulli var þetta gott. Mæli eindregið með að fólk kíki þangað.
SUNNUDAGUR
Sváfum út eins og vindurinn. Þegar við vöknuðum ákváðum við að kíkja í Bláa Lónið. Komum við á Reykjanesvita og röltum aðeins um í góða veðrinu. Við Tómas sáum án efa rússneskar eða pólskar vændiskonur með tveimur tattúveruðum Íslendingum. Keyptum okkur bjór í Lóninu sem var afar ágætt svona í tilefni dagsins. Vorum síðan mætt rétt fyrir 18 í Brekkubæinn í grill hjá mömmu og pabba. Át á mig stórt gat.
MÁNUDAGUR
Það var löngu planað að gera bókstaflega ekki neitt á mánudeginum. Fórum reyndar aðeins út í garðinn hjá Eddu og Stulla og náðum okkur í, með hjálp Möggu og Heiðu, birkitré, reynitré og grenitré fyrir Árnaskóg. Þetta mun síðan vera hresst hérna í garðinum hjá okkur þangað til næsta vor þegar þetta fær að fara í skóginn. Óðinn, Pála, Vera og Solla komu síðan í stutta heimsókn til að skoða íbúðina. Um kvöldið elduðum við súpu. Kjúklingasúpa með grilluðu brauði og spældu eggi og osti í botninn. Djöfulli var það gott. Er ennþá með bragð í munninum.
ÞRIÐJUDAGUR
Skutlaði Auði á síðustu vaktina sína fyrir 2 vikna sumarfrí sem hefst á laugardaginn. Fór í Húsasmiðjuna og keypti mér gróðurhús fyrir Árnaskógsplönturnar. Tók eina myndatöku 9:30 og var svo mættur í golf með Kristni 10:40. Spiluðum með hressum manni sem var á svona brumbrumeinstaklingsgolfbíl. Hann var flottur á því. Spilaði ágætlega eða á 92 höggum og fékk 35 punkta. Nettó skorið mitt var +1 sem er helvíti fínt. Fór í aðra myndatöku 17:30 og síðan hef ég verið að ganga frá hinu og þessu. Ágætt að vera búinn að klára allt draslið áður en við förum út á laugardaginn.
