Hef heyrt útundan mér ansi oft orðið facebook þannig að ég ákvað að tjékka á þessu. Er sem sagt búinn að henda upp notanda á Facebook.com.

Fyrir ykkur sem vitið hvað þetta er getið hætt að lesa núna. En þið hin getið haldið áfram. Þið getið líka farið fram í eldhús og hitað Ben og Jerrys ís í örbylgjunni og hellt poppi útá. Þannig að kannski lesa ansi fáir þetta. Facebook virkar voðalega svipað og myspace nema bara að facebook er með góðri hönnun og er ekki hundljótt og ömurlegt eins og myspace. Þú leitar að vinum eða vinir bæta þér við. Þú getur séð vini vini þinna og bætt þeim við. Þú getur sett inn ljósmyndir og taggað ljósmyndirnar með þínu nafni eða nafni vina þinna. Þannig að t.d. ef ég er búinn að setja inn myndir af Sigurjóni þá get ég taggað þær með hans nafni. Þá húrrast þær allar við prófílinn hans og þegar maður skoðar hans prófíl þá getur maður skoðað allar myndir sem eru af honum á Facebook. Mjög sniðugur fídus. Svo er svona “veggur” sem maður getur skilið eftir skilaboð fyrir vini sína sem vinir vina geta líka lesið. Svona svipað eins og í myspace. Það er svona hresst “marketplace” á þessu sem maður getur verið að auglýsa allan andskotann. Svo á ég eftir að skoða þetta betur. En mér líst nokkuð vel á þetta svona í fljótu bragði. Maður má ekki láta plata sig þegar fólk eins og ég segi að þetta sé eins og myspace. Því þetta er mun hressara.

Sigurjón skrifaði um að hann hefði keypt sér hliðartösku og það voru ekki lengi að koma tvö komment frá tveimur sem greinilega eru í einhverjum vandræðum með kynhneigð sína. Haf jafnvel verið að kyssa stráka í gær, jafnvel hvor annan, og haldið að með því að gera grín að glæsilegri tösku hans sigurjóns þá myndi enginn fatta þetta. Allavega hef ég átt svona tösku síðan ég keypti mér glæsilega Lomography Sidekick tösku í London í fyrra eða fyrr á þessu ári. Man ekki alveg.

Hugsaði þetta aðallega til að geta verið með ef maður er einhvers staðar á röltinu að taka myndir. Eru hólf fyrir lomo og filmur og svo nýtist þetta vel sem taska fyrir fartölvu. Vildi bara koma þessu á framfæri að ég er stolltur að eiga “Man’s Bag”.

Annars var ég að skanna inn nokkrar myndir sem ég tók á Airwaves á Horizon Perfekt vélina mína. Getið tjékkað á þeim á Flickrinu.

Svo er Auður búin að henda inn slatta af Airwaves inn á flickrið sitt. Getið tjékkað á þeim hérna.

Hérna er ein af þeim hressari að mínu mati:

Á sunnudaginn sá ég Skakkamannage, Horsebox og The Magic Numbers.

Á laugardaginn sá ég Amína, Hraun, Bob Justman, Lada Sport, Perfect Disorder, Dikta, Mugison, Ra Ra Riot, Our Lives, Annuals, Bloc Party, !!! og Mínus.

Annars hendi ég inn eitthvað af fleira dóti inn á Flickr. Getið tjékkað á því hérna.

Í kvöld sá ég Jan Mayen, Prinzhorn Dance School, Deerhoof, Múm, Of Montreal, Ghostigital og Hairdoctor.

Í kvöld sá ég Rhonda and the Runestones, Jenny Wilson (SE), Retro Stefson, Ólöf Arnalds, Kimono og Grizzly Bear (US).

Í kvöld sá ég Original Melody, Sesar A, Smoosh, Soundspell og Lights on the Highway.

Iceland Airwaves hátíðin hefst í kvöld og stendur fram á sunnudag. Skellti mér í smá bókaútgáfu og er að gefa út 15x15cm 48 síðna bók með myndum sem ég hef tekið á Airwaves hátíðinni frá 2002-2006. Bókina verður hægt að fá í Fótógrafí, Skólavörðustíg 4a, og mögulega á fleiri stöðum. Læt vita hvar verður hægt að nálgast hana betur síðar og nákvæmt verð á henni sem verður ekki mikið. Það verður ekki hægt að borga hana með harðfisk.

Smá update:
Bókina er hægt að kaupa í…
Fótógrafí, Skólavörðustíg 4a
Nakta Apanum, Bankastræti 14
Hressingarskálanum, Austurstræti 20

Mæli eindregið með þessari sýningu hans Péturs í Mokka.

Ætlaði bara að benda fólki á ljósmyndasýningu sem er í Norræna Húsinu og hangir uppi á meðan Airwaves hátíðin er og verður. 30 myndir eftir 13 ljósmyndara. Endilega tjékkið á þessu. Myndirnar á sýningunni eru til sölu. Stykkið kostar 15.000kr sem er ekki neitt. Þannig að mæli með þessu.

Sá auglýsingu á visir.is eða mbl.is um eitthvað sem heitir DaysAgo. Ég skellti mér á linkinn þar sem stóð “Oprah Winfrey kynnti DaysAgo í þætti sínum í febrúar 2007 sem eina af bestu vörunýjungum fyrir heimilið árið 2007!” Ég varð strax spenntur því allt sem Oprah gerir er svo glymrandi skemmtilegt og sniðugt.

Læt fylgja með stutt myndband sem ég fann á síðunni hjá fyrirtækinu sem er greinilega að flytja þetta inn á Íslandi.

Þetta hlýtur að vera eitt allra mesta drasl sem ég hef á ævi minni séð. Þetta eru sem sagt einhverjir litlir kringlóttir gaurar sem telja klukkustundir og daga. Planið er að hægt sé að setja þetta t.d. á mjólkufernu og þá veistu hvað hún er búin að vera opin lengi. Þú getur sett þetta í blómapott til að sjá hversu langt liðið hefur frá því að þú vökvaðir blómin þín. Ef þið horfið á þetta myndband þá er þetta bara kjánalegt. Á maður að troða þessum gaurum út um allt. Þeir eru klunnalegir og bara ljótir. Ég var eiginlega viss um að þetta væri eitthvað grín fyrst þegar ég horfði á þetta. Hvað varð um að skrifa bara dagsetninguna á eitthvað sem þú opnar í ísskápnum ef þú hefur gífurlegar áhyggjur að dótið þitt skemmist og þú borðir græna kókómjólk. Svo endar þetta frábæra myndband á því að það er fólk liggjandi í rúminu og það eru 91 dagar síðan hoho hmm hmm var gert og þau drífa sig í stuðið og svo núllstillir gaurinn tækið.

Svo kostar 2 svona 1.699kr og 4 2.990kr. Hvað kostar penni? 100kr.