David Beckham2 er látinn sem og Eiður Smári Guðjohnsen2. Hann lést í Kópavoginum fyrr í dag. Hér er ekki samt verið að tala um knattspyrnumanninn David Beckham heldur litla mús sem átti heima í litlu húsi í Kópavogi sem og lítinn hamstur sem átti heima í sama húsi nema í kjallaranum.

Visir.is eru svo miklir þullar þegar kemur að því að búa til fyrirsagnir á vefinn sinn. Það tekur enginn sem ég veit um þennan vef alvarlega. Alltaf einhverjar svona ömurlegar fyrirsagnir. Ef þeir eru ekki að væla að mbl.is sé að stela af þeim fréttum þá er eitthvað svona í gangi. Hann er fimm ára trítill og heitir visir.is.

Haha. Ætlaði að bæta við færsluna hér að ofan. Hvað ætli fyrirsögnin “Eiður lék á miðjunni og skoraði”. Kannski verið að tala um Eið Haraldsson sem leikur með Júgenbagen í Beirút. En svo klikkaði ég á þetta. Þá er verið að tala um æfingaleik á milli aðal- og varaliðs Barcelona. Þessi vefur er bara eitt stórt grín. Reyna að búa til fyrirsagnir sem eru eiginlega bara lygi til að fá fólk til að lesa vefinn meira. Eins og í byrjun þegar þeir vísuðu stod2.is og fullt af öðrum vefum inn á visir.is til að fá meiri aðsókn.

Við höfum ekki samkynhneigða einstaklingar hérna í Grafarholtinu eins og þið hafið í Kópavoginum. Við höfum ekki þennan eiginleika hérna í Grafarholtinu. Ég veit ekki hver hefur sagt ykkur að við höfum það. Þið hafið dauðarefsingar í Kópavogi, er það ekki? Þið hafið þær líka. Já, við höfum dauðarefsingar í Grafarholtinu.

Djöfull er ég orðinn þreyttur á svona væli!

Lítum aðeins á vefinn og tökum saman hvað er sniðugt og hvað ekki.

Forsíðan
DV, MANNLÍF, Gestgjafinn, VIKAN, Nýtt Líf, SAGAN ÖLL, Hús og Híbýli, GOLF blaðið, SÉÐ OG HEYRT, Ísafol. Skil engan veginn afhverju þessir linkar eru þarna uppi. Ekki beint gáfulegt að það fyrsta sem augað leitar að á síðunni eru linkar yfir á einhverjar aðrar síður. Einnig pirrar mig þessi innskráningarbox tvö, hvít og áberandi, eins og einhver hafi skafið í burtu útlitið. Þau mættu gjarnan vera einhvers staðar annars staðar eða bara ekki vera yfir höfuð. Er DV ekki rautt? Afhverju þá blátt eins og mogginn og visir.is? Nýjustu fréttirnar sem skiptast þarna í gráa dótinu finnst mér ofaukið. Mætti alveg sleppa því. Pælingin að vera með myndir vinstra megin sem breyta forsíðu fréttinni er svo sem ágæt hugmynd. Svo er það díví dótið hægra megin. Ég er ekki að meika þessi blikkandi preview úr videounum. Ég er nokkuð viss að ég sé á leiðinni að fá vott af áunni flogaveiki að vera svona lengi á forsíðunni og skrifa þessa færslu. Veit ekki hvort ég treysti mér í að skrifa um díví hlutann því þar eru milljón preview að breytast. Þegar maður smellir á einhvern link í leiðakerfinu þá breytist liturinn á síðunni. Ekkert nýtt við það. En það sem verra er að ég veit ekkert hvert ég fór nema ég muni á hvað ég smellti. Stendur hvergi að ég sé í bloggi eða skrafað og skrifað eða hverju sem er. Ekki einu sinni annar litur á stöfunum í leiðakerfinu. Furðulegt. Skil engan veginn Landsbankaauglýsinguna þarna vinstra megin. Eins og þeim hafi vantað að fylla út í þetta pláss og selt Landsbankanum þetta fyrir 2 miða á leik West Ham og Newcastle sem er á morgun. Fyrir neðan þessa ósköp þá fara hlutirnir að skána. Þessar fjórar fréttir eru nokkuð greinilegar. Með mynd og ágætlega stórri fyrirsögn og bara gott um það að segja. Leiðarinn hægra meginn sker sig úr en ég virðist ekki geta smellt á RSS feed takkann sem er þarna hægra megin við leiðarann. Furðulegt. Mest lesið og Mest sent í botninum mætti vera betur upp sett að mínu mati. Jafnvel vera í svona góðu gráu boxi eins og leiðarinn. Svo vantar bara góðar fréttir svo einhver sendi einhverjum fréttir… því engar fréttir eru í Mest Sent hlutanum. Æjæj. Svo mætti textinn “mest lesið” og “mest sent” vera flipalegri svo maður viti að maður geti farið á milli. Svona eins og þetta er á mbl.is. Eins með Innlent/Erlent. Maður gæti haldið að dagsetningin sé innlend en fréttir erlend. Maður þarf samt að vera temmilega vitlaus til að halda það. En þetta mætti samt laga. Var að taka eftir núna flipunum í Díví draslinu uppi. Það er hægt að smella á veður, gengi, könnun, dv í dag og senda frétt. Þá breytist efnið í glugganum. Mætti haldast það sem maður velur ekki alltaf fara aftur á díví ef maður fer á forsíðuna. Botninn er bærilegur. Svona helsta eða eitthvað af aðalefninu úr flokkunum. Ekki hægt að smella samt á flokkana eða myndina eða textann. Verður að hitta á einhverja smáör.

Fréttir
Finn hvergi undirflokkana í fréttunum. Ég vil kannski lesa innlent þar sem ég er með bráðaofnæmi fyrir viðskiptum og fólki. Ekki hægt. Fæ bara 11 fréttir og… jú þarna fyrir neðan er eitthvað fréttasafn. Þá kemur elsta efnið efst og það nýjasta neðst. Einhver öfugur að stjórna þessu greinilega.

Blogg
Stórar myndir með bloggunum. Það lítur vel út. Nema ef það er bara hægt að hafa akkúrat þessa stærð sem er þarna. Wow… það er kominn einhver mega auglýsingaborði fyrir ofan dv, mannlíf, gestgjafinn… óreiðuna. Hægra megin virðast vera einhverjir flokkar og nýjasta færslan fyrir hvern flokk. En ekki samt hægt að velja flokkinn sér. Innskráningarboxin 2 eru ennþá þarna að angra mig. Var ég ekki búinn að biðja þau að fara?

Séð og Heyrt
Held að það sé næst. Ekki viss nefnilega hvar ég var. Maður veit ekkert nefnilega. Þarna koma fréttirnar með myndum á hæðina. Lítur sæmilega út. Fer allavega ekki á milli mála um hvern fréttin er. Mætti samt alveg halda í sömu uppsetninguna og á hinum fréttunum. Hafa samræmi í þessu væri ekkert svo vitlaust.

Skrafað og skrifað
Hef ekki Guðmund hvað þessi flokkur er. Allavega það er búið að skella fréttunum í enn eitt útlitið. Spurning hvort að mismunandi fyrirtæki hafi séð um mismunandi flokka? Eina sem er alltaf eins… og þá eins lélegt… er fréttasafnið. Elsta efst og nýjasta neðst.

Díví
Loksins hægt að velja einhverja undirflokka. Verð að hætta að skrifa um þetta. Of mikið af blikkandi thumbnailum. Gubb. Ældi óvart á köttinn minn. Hún er ekki sátt sýnist mér. Kisugubb. Hún leit á skjáinn og ældi á mig. Jæja… svona er þetta. Afhverju að gera þessu svona hátt undir höfði. Það er til ansi sniðugur vefur sem heitir You Tube og svona milljón aðrar síður sem þú getur sett video á netið. Kannski sniðugt að geta verið með íslensk video á íslenskri síðu fyrir Íslendinga. En þarna er bara verið að setja inn video sem eru vinsæl á YouTube sýnist mér.

Kannski betra að fá enga umfjöllun heldur en svona umfjöllun?

Mikið rætt um það í útvarpi og á misgóðum fréttamiðlum landsins að José Mourinho sé hættur sem knattspyrnustjóri hjá Chelsea. Það virðast allir vera að gleypa þessa frétt en ekki ég. Þeir eru svo klikkaðir þarna hjá Chelsea og þá sérstaklega José og Abbri, eins og ég kalla hann, að ég tel þetta vera lúmska brellu til að reyna að taka United á taugum fyrir laugardagsleikinn… eða sunnudags. Man ekki hvort. Sjáum hvað setur. Eitt sem er víst… að United setur eins og þrjú mörk í smettið á Chelsea á laugardaginn… sunnudaginn. BÚJA!

John Kerry, fyrrum forsetaframbjóðandi, skeit aðeins lengra upp á bak heldur hann hefur gert hingað til. Hann var að svara spurningum í Háskólanum í Flórída. Einn nemandinn spurði hann nokkurra spurninga sem lögreglunni á staðnum mislíkaði eitthvað þannig að þeir ætluðu að stöðva hann. Hann spyr þá afhverju þeir séu að handtaka hann. Þar sem það er málfrelsi í Bandaríkjunum þá var hann ekki að gera neitt af sér. Hann var ekki að ógna Kerry á einn eða annan hátt. Leikarnir æsast heldur betur og það endar með því að lögreglan “rafstraumar” gaurinn og hann öskrar eins og það sé verið að skera í augun á honum. Margt slæmt í þessu máli. Enginn í salnum virðist hjálpa honum eða mótmæla. Það er ekki fyrr en að 4-5 lögreglumenn eru komnir ofan á hann og búið að “rafstrauma” hann að það var stelpa sem öskraði á lögregluþjónana. En þá bara sagði löggan henni að halda kjafti. Lögreglan er auðvitað vondi kallinn líka í þessu. En verstur er skítseiðið hann Kerry. Hann gerir ekki neitt í þessu. Hann bara lætur þá handtaka hann og á meðan það er verið að “rafstrauma” gaurinn þá er hann að reyna að svara spurningunum hans. Alveg fáránlegt. Endilega tjékkið á videoinu hérna fyrir ofan.

Þetta er annað video sem sýnir aðeins meira af þessu. Lögreglan fylgir honum áfram út úr byggingunni og handtekur hann. Það er doldið fyndið þegar það er verið að fara með hann niður stigann þá segðist hann vera hræddur um að þau ætli að drepa hann. Hann vill líka ekki segja þeim nafnið sitt. Og svo heldur hann því fram að þau ætli að láta “The Government” fá sig.

Ég og Auður kíktum á Franz Ferdinand til að mynda. Komum svona 1 mínútur áður en tónleikarnir byrjuðu. Ljósmyndarar búnir að koma sér vel fyrir og einn á kanntinum sem var ekkert á því að vera góður við okkur og hleypa okkur fram hjá. Stóð bara með sitt asnalega hár á kanntinum og muldraði eitthvað “bara lítið pláss fyrir okkur” en samt hefði verið hægt að koma svona átta manns við hliðina á honum. Hann hefur aðeins verið að misskilja hvernig þetta virkar fyrir sig í ljósmyndaheiminum. Ljósmyndarar vinna saman og gera hvor öðrum greiða. Eru ekki að troðast og hindra að aðrir ljósmyndarar nái myndum. Þessi háróheppni piltur fær þetta bara í bakið síðar.

Fór um daginn að mynda Ísland spila gegn Norður Írum á Laugardalsvelli. Var aðeins meira en vel klæddur þar sem ég var ennþá smá veikur. Var að sjálfsögðu á síðustu stundu á völlinn vegna gífurlegar umferðar sem myndast alltaf fyrir landsleiki. Þurfti að mynda eitthvað aðeins áður en leikurinn var þannig að ég var á hlaupum í öllum fötunum sem ég á. Kvartaði reyndar ekki þegar það byrjaði að hellirigna og ég var svo skrjáfþurr undir regnhlífinni minni í öllum fötunum að það hálfa væri nóg. Það gekk vel að mynda leikinn. Byrjaði að mynda sóknina hjá Norður Írum í fyrri hálfleik. Náði þar ágætis mynd af Ármanni Smára fagna markinu sínu.

Í hálfleik sendi ég 5 myndir eða svo á AP og kom aftur út á völl þegar svona 5 mínútur voru liðnar af seinni hálfleik. Stuttu áður en Ísland skoraði sigurmarkið þá hafði ég fært mig á hliðarlínuna og var þar af leiðandi með ágætis sjónarhorn á seinna markið sem var sjálfsmark.

Tók eftir því þegar ég var að skoða myndirnar af markinu að í bakgrunni eru nokkrir ljósmyndarar. Af þeim 4 eða 5 sem voru bakvið markið í góðu færi að mynda markið þá var bara einn af þeim með myndavélina á lofti. Hinir voru of æstir að sjá með berum augum hvort að Ísland skoraði eða ekki.

Annars eru fleiri myndir frá leiknum inni á Flickr-inu mínu

Enn og aftur fær Símaauglýsingin “Jesú og Júdas” umtal. Nýjasta er að það sé búið að afturkalla auglýsinguna vegna þess að það sést glitta í merki Vodafone á síma Júdasar þegar Jesú hringir í hann. Ég var með kenningu að þetta hefði verið hluti af brandaranum. Að Júdas verslaði við Vodafone en ekki Símann. En það er kannski bara vitleysa í mér. En það er ekki flókið skýring á þessu held ég eins og mín kæra Auður benti mér á í gær. Auglýsingin var tekin upp í Portúgal og þegar maður er erlendis þá tengist maður einhverju erlendu fyrirtæki og það er oftar en ekki Vodafone þrátt fyrir að maður sé með kort frá Símanum. En annars finnst mér þetta svo lítið smáatriði að þetta skiptir engu máli. Þetta er eins og að hætta eigi við allar bíómyndir af því að það eru mistök í þeim öllum.

En þegar öllu er á banana hvolft þá er Síminn að græða og græða og græða á að hafa gert þessa auglýsingu. Fyrst vælir biskup yfir þessu og núna fólk að vesenast útaf þessu Vodafone merki. Umtal og meira umtal. Gott stöff fyrir símann.

Síminn ætti kannski að sleppa að gera svona fínar auglýsingar og endurbæta vefinn hjá sér sem er skelfilegur og hefur alltaf verið skelfilegur. Ekki hægt að finna neitt á honum.

Það eru tvö mál búin að vera í umræðunni í dag. Annars vegar nýja símaauglýsingin og síðan FH/Fjölnir málið ógurlega.

SÍMINN

Jón Gnarr á víst heiðurinn af þessari auglýsingu. Sýnir þarna Jesús að snæða með lærisveinunum sínum og hvergi finnst Júdas. Jesús hringir í hann og þá kemur í ljós með myndsímtali að Júdas er að svíkja hann og fá greitt fyrir vikið. Ógurlegt fjaðrafok hjá biskup Íslands og fleirum í tengslum við þetta mál. Finnst þetta eitthvað ósmekklegt. Skil ekki alveg hvað er að því að gera auglýsingu eftir einhverri sögu skrifuð fyrir milljón árum síðan. Einhver í Íslandi í dag tók sem dæmi að fólk yrði ekki ánægt með ef það væri gerð auglýsing tengt Helför gyðinga. Mjög gott dæmi þar sem Helförin átti sér stað fyrir um 70 árum en Jesú var að krossfestast fyrir grilljón árum og mjög hæpið að það sé hægt að sanna að það hafi gerst. Svo var verið að tala við fólk á götunni og einhver var að segja að hann væri ekkert sérlega trúaður en þetta væri bara ekki fyndið. Greinilega gaur sem er það glataður að hann þorir ekki að viðurkenna að finnast þetta fyndið. Heldur að það sé kúl að þykja þetta ekki fyndið. Þetta er gaurinn sem er á móti öllum hinum. Hann t.d. heldur líklegast með Queens Park Rangers í ensku af því að enginn annar gerir það. Svo var ein kona sem sagði að þetta særði hana. Hún leit út fyrir að vera konan sem sendir nágranna sínum kvörtunarbréf yfir því að hann hafi ekki slegið grasið sitt nógu oft um sumarið og lagt ekki nógu vel í stæði á bílastæðinu.

FH/FJÖLNIR
Fjölnir vann Fylki í gær í undanúrslitum bikarsins. Eiga hrós skilið fyrir að vera komnir alla leið í úrslitaleikinn þó svo þeir hafi lagt mitt lið í undanúrslitum. Man eftir því þegar Fylkir var í 1.deild og var að stríða efstu deildarliðum í bikarkeppninni. Hefði verið mun skárra að fá FH eða Breiðablik. En eins og flestir vita þá spila 3 menn með Fjölni sem eru í láni frá FH. Þetta eru lykilmenn í liðinu og samkvæmt samningi þeirra þá mega þeir ekki spila gegn FH. Þannig að nú mætast Fjölnir og FH í úrslitum bikarsins rétt fyrir jól þar sem KSÍ eru svo duglegir að plana árið og þá mega þessir 3 leikmenn ekki spila leikinn. Þessi staða er vonlaus fyrir báða aðila og kemur alltaf illa út fyrir einhvern. Hérna eru nokkur dæmi.

FH bannar þeim að spila leikinn og vinna leikinn
Það verður púað á þá þegar þeir taka við bikarnum og þeir fara heim í Hafnarfjörðinn með skömm og geta ekki látið sjá sig það sem eftir er af öldinni.

FH bannar þeim að spila leikinn og tapa leiknum
- Mögulega er þetta besti valkosturinn fyrir utan það að þetta mun enda samstarf Fjölnis og FH og þeir lána Fjölni aldrei leikmenn aftur. Fjölnir fer síðan upp í efstu deild og fellur með einungis 2 stig í lok móts.

FH leyfa þeim að spila leikinn og tapa leiknum
FH-ingar segja að Fjölnir hafi unnið leikinn með þeirra leikmönnum og þannig svindlað og að FH hafi í raun og veru unnið leikinn. Tryggvi Guðmundsson tryllist og sparkar í boltasæki og fótbrýtur hann.

FH leyfa þeim að spila leikinn og vinna
Lánsmönnunum verður kennt um að hafa ekki staðið sig nógu vel og hafi leyft FH að vinna.

Ég er með fína lausn á þessu máli. Setja alla leikmenn beggja liða í pott. Og svo dregið í tvö ellefu manna lið.

Það er ansi langt síðan ég hef verið veikur heima. Það meikar einhvern veginn ekki sens að taka sér veikindafrí þegar maður er að vinna fyrir sjálfan sig. Ekki eins og einhver annar vinni fyrir mann og maður fái greidd laun fyrir eitthvað sem einhver annar er að gera. Þannig að þrátt fyrir veikindi þá hef ég bara harkað það af mér og unnið. Sem er ekkert gífurlega gáfað verð ég að segja. Þannig að þegar ég vaknaði með hausverk, beinverki, hita og svona 2kg af hor þá ákvað ég að vera heima.

Er búinn að liggja yfir 6 seasoni af The Shield þar sem Vic Mackey fer á kostum eins og í fyrri sísonum. Afhverju ég byrjaði ekki að horfa á The Shield fyrr en í sumar veit ég ekki. Það var búið að segja mér að þættirnir væru fínir en einhvern veginn vildi ég ekki trúa því. Sá brot af einhverjum þætti og leist ekkert á þá. En þessir þættir komast mjög ofarlega á listann yfir bestu sjónvarpsþætti sem ég hef fylgst með. Þannig að ef þú hefur ekki séð neitt af The Shield þá öfunda ég þig að eiga það eftir. Nú er bara að bíða spenntur eftir Seasoni 7 sem á að hefjast seint á þessu ári eða í byrjun 2008. 13 klukkustundalangir þættir er talað um.

Í tilefni af Drobo kaupunum mínum og endurflokkun á myndunum mínum þá keypti ég mér 2 stykki af My Book Essential Edition. Er að vinna í því að skipta út elstu bakköpp diskunum mínum þar sem þeir eru farnir að gefa frá sér furðuleg hljóð.

Miðað við líðan mína núna þá hugsa ég að ég fari ekki í vinnu á morgun. Finnst það allavega mjög ólíklegt. Kveð að sinni.