Þetta er ansi hresst hjá Nokia.

Mýrarbolti 2007

Hundur í Reykjavíkurmaraþoninu í ár.

Fékk áminningu um daginn að ég uppfærði aldrei vefinn minn. Fer í málið svona bráðlega.

Í gærkvöldi komu Páll E. og Brynja í mat til okkar Auðar hérna á Kristnibrautinni. Ég nennti eiginlega ekki að elda þannig að ég byrjaði matseldina á því að skera af mér eins og einn putta, eða svona allt að því. Mig rámar í að hafa heyrt þegar hnífurinn stoppaði í beininu mínu. En þar sem ég er engin veimiltíta, þrátt fyrir að hafa öskrað eins og öskubuska þegar hún komst að því að fósturmamma hennar vann í lottóinu, þá var ég ekkert að láta sauma mig. Auður hlammaði bara á mig sjö tonnum af umbúðum. En þetta var nóg til þess að Auður sá um matinn að mestu leiti. Var ekki búinn að huga þetta nógu langt þar sem ég gat steikt hakk þrátt fyrir að vera með bilaðan putta. Þannig að þetta “bakeldaðist” aðeins hjá mér. En kvöldið var fínt fyrir utan þessa slæmu byrjun.

Eftir nokkrar ferðir á póstinn fékk ég í dag eins og fjóra pakka frá bhphoto.com sem eru ávalt gleðitíðindi. Það sem ég beið einna helst eftir var…

… DROBO-inn minn sem virðist vera algjör eðal græja. Þetta er sem sagt “storage robot” eins og þeir kalla þetta á síðunni. Virkar svipað eins og raid en samt ekki eins. Hægt að vera með mismunandi stóra diska í þessu. Hægt að skipta út auðveldlega diskum ef diskur bilar. Hægt að taka úr lítinn disk og setja stærri í. Byrjaði á að kaupa mér 2 SATAII WD 500GB diska þar sem þeir voru hagstæðastir hvað verð varðar. Svo bæti ég við þegar ég þarf á því að halda. Mæli með að þið tjékkið á demóinu frá þeim. Útskýrir þetta nokkuð vel.

Keypti mér líka stykki í skannann minn til að geta skannað inn panorama myndir. Henti einhverjum inn á Flickr

Ef það er einhver þarna úti sem veit um einhver sniðug podcöst sem eru tengd ljósmyndun þá væri vel þegið að fá athugasemd hérna fyrir neðan. Og jafnvel bara einhver sniðug sem eru ekki endilega tengd ljósmyndun. Allar ábendingar vel þegnar.

Svona inn á milli þess sem ég er að mynda, mála skjólvegginn, helluleggja, slá garðinn, skrifa reikninga, senda reikninga, færa hillur, færa þurrkara þá hef ég verið að reyna að finna tíma til að skanna eitthvað inn af þeim aragrúa af filmum sem ég á óskannaðar. Það gengur hægt en gengur samt. Er búinn að henda einhverju inn á Flickr-ið.

Læt fylgja með eina sem ég tók á ferð minni á Vestfirði um Verslunarmannahelgina.

Rauðisandur © Árni Torfason

Jámm og jæja. Ágætt að koma með Verslunarmannahelgarblogg næstum viku seinna en hún var. Ég, Auður, Hlín og Billi keyrðum af stað út úr bænum um 18:00 á föstudaginn. Stefnan var tekin á Suðureyri við Súgandafjörð. Stoppuðum í Borgarnesi til að fá okkur að borða. Fengum matinn okkar eftir svona 40 mínútna bið. Veit ekki alveg hvað málið var með það. Ferðin gekk ágætlega fyrir sig þangað til Billi fór að sjá rauð augu út um allt. Þá tók ég við síðustu metrana. GPS gaurinn í símanum mínum kom sér vel. Ekki það að við vissum ekki hvert við vorum að fara en þægilegt að sjá nákvæmlega hvar maður er. Þó svo að þetta nákvæmlega staðsetji mann úti í sjó en ekki á veginum. Gistum í húsi frænku minnar á Suðureyri. Ansi ágætt að sleppa við að húka einhvers staðar í tjaldi. Þökkum kærlega fyrir okkur. Laugardagurinn fór í það að skoða næsta nágreni. Renndum við á Ísafirði og skoðuðum Mýrarboltann sem var ansi hress og blautur. Sunnudagurinn var bjartari. Fórum upp á Bolafjall þar sem er útsýni yfir Djúpið. Skoðuðum einnig aðeins meira og mynduðum Mýrarboltann. Svo um kvöldið var grillað annan daginn í röð og ég hef held ég sjaldan verið jafn saddur. Fórum snemma af stað áleiðis í bæinn á mánudaginn. Keyrðum vesturleiðina svokölluðu og stoppuðum m.a. á Dynjandafossi, Tálknafirði, Rauðasandi og svona hér og þar. Vorum komin í bæinn 27,5 mínútur í miðnætti og hafði ég sigur úr býtum úr giskkomíbæinnleiknum. Var hálfri mínútu frá því að vera með þetta 100%.

Tók eins og einar 8 filmur sem ég ætla að reyna að skanna inn fljótlega í ferðinni. Fór með þær í Pixla og það er svo sniðugt þar að maður þarf ekki að bíða í viku til 10 daga eftir að fá filmurnar til baka eins og hjá Hans Petersen.