Canon EOS 1D Mark III

Canon hefur opinberlega tilkynnt nýjasta undrið sitt sem ber nafnið Canon EOS 1D Mark III. Hún er 10 megapixla 1.3 kropp og með CMOS sensor. Skýtur 10 ramma á sekúndu og er með nýtt 19 punkta fókuskerfi. Hún getur farið upp í 6400 í ISO og er með 3″ LCD skjá sem býður upp á live view fyrir þá sem vilja. Vélin ætti að koma í apríl og mun kosta um 3999$.

Meira um vélina á www.pressphoto.is.

Jæja eftir margra mánaða undirbúning opnaði loksins sýning blaðaljósmyndara í Gerðarsafni. Síðasta vika var ansi hressileg og talsvert meira en mikið að gera hjá mér. Opnunin gekk vel og mættu svona milljón manns ef ég hef talið rétt. Geir H. Haarde opnaði sýninguna með ansi skemmtilegri ræðu. Kom með marga góða punkta um fréttaljósmyndara.

Mynd ársins 2006

Landslagsmynd ársins 2006

Ég var svo heppinn að fá tvenn verðlaun á sýningunni. Annars vegar fyrir mynd ársins og síðan landslagsmynd ársins. Það eru margar góðar myndir á sýningunni og allir með sýna skoðun. Einhverjir sammála vali dómnefndar en flestir örugglega ekki. Ef allir væru sammála þá væri bara leiðinlegt. Ekki hægt annað en að svona verðlaun séu umdeild.

Hægt er að sjá allar vinningsmyndirnar á vefsíðunni www.pressphoto.is. Ég vil óska öllum þeim sem fengu myndir inn á sýninguna til hamingju og þá sérstaklega þeim sem hrepptu verðlaun.

Það kom líka út bók samhliða sýningunni sem inniheldur allar myndirnar sem eru á sýningunni. Hún fer í dreifingu strax á morgun, mánudag.

Svo fékk ég ansi góðar fréttir í vikunni. Fékk e-mail um það að ég væri einn af 120 ljósmyndurum sem mega sækja um Joop Swart Masterclass í ár sem verður haldið seinna á þessu ári. 12 sæti í boði þannig að það verður erfitt að komast að en ég ætla allavega að reyna.

Er að reyna að redda þessu kommentaspami sem ég hef verið að lenda í þannig að það verður ekki hægt að kommenta á næstunni. Læt ykkur vita þegar það er komið í gang aftur.

Ég bókstaflega ét, sef og anda sýningu blaðaljósmyndara sem opnar í Gerðarsafni á laugardaginn. Búinn að vera á fullu alla þessa viku og lítið annað gert en að bardúsa fyrir sýninguna. Alltaf eitthvað sem kemur upp á sem þarf að redda en svona er þetta bara. En þetta er búið að ganga vel. Ég og Billi (sýningarstjóri) héldum rúmlega klukkustundar fyrirlestur í MH um ljósmyndun á einhverjum lagsdögum eða hvað sem þetta hét nú. Vorum beðnir með 25 mínútna fyrirvara að halda þetta og við slóum til í geðveikinni og redduðum þessu bærilega og gott betur en það að mínu mati.

Ætla að sofa núna og svo vera mættur í Gerðarsafn 8:09 á morgun og halda áfram.

Nánari upplýsingar um sýninguna á http://www.pressphoto.is/

Annars er það skuggalegt hvað Sigurjóni er að fara fram sem ljósmyndara. Læt fylgja með eina sem er ein af skemmtilegri sem ég hef séð eftir hann.

© Sigurjón Guðjónsson

Spencer Platt, USA, Getty Images

Young Lebanese drive through devestated neighborhood of South Beirut, 15 August.

Já þá er búið að velja myndir ársins á hinni árlegu World Press Photo keppni. Sigurvegarinn að þessu sinni var Spencer Platt frá Bandaríkjunum og vinningsmyndina hans sjáið þið hér að ofan.

Margar virkilega flottar myndir þarna og ef þið hafið áhuga á að skoða þær þá eru þær allar til sýnir hér.

Já Sony Ericsson var að tilkynna nokkra hressa síma í dag.

W880 (AI), W610, K810, K550

Sony Ericsson W880 (AI) Walkman musicphone
Hann er 9,4mm þykkur sem er auðvitað ekki neitt. 1.8″ QVGA 262k TFT skjár og 2megapixla myndavél og það fylgir með 1GB memory stick micro. Fylgir honum einnig Walkman Player 2.0, Disc2Phone. Það er hægt að stilla hann á svokallað “flighmode” þannig að hann slekkur á öllum samskiptum en virkar sem mp3 spilari án þess að brotlenda flugvél á hús. Batteríið dugar í 20klst í tónlistarspilun og allt að 6,5klst í tali.

Sony Ericsson W610 Walkman
Þar sem W880 er ekki fyrir Bandaríkjamarkað þá komu þeir einnig með þennan síma. Hann dugar í 25klst tónlistarspilun og 7 tíma tal. En þar sem þessi sími er fyrir Bandaríkjamarkað þá er okkur slétt sama um kvikindið.

Sony Ericsson K810
17mm þykkur með 3.2 megapixla myndavél og Xenon flashi. Styður Memory Stick Micro. Þessi er með lítillri myndavél líka framan á símanum fyrir videosamtöl.

Sony Ericsson K550
14mm þykkur með 2 megapixla myndavél og LED myndaljósi. Styður Memory Stick Micro.Ekki eins öflugt og flash en virkar ágætlega.

Hjalti félagi minn var að mixa forrit sem ég held að tónlistaráhugafólk ætti að tjékka á. Í stuttu máli þá fylgist það með mp3 blogum hjá fólki sem þú ert búinn að skrá í forritið. Það nær síðan í allar þær mp3 skrár sem koma inn á þessi blog og þú getur spilað þær í forritinu hjá þér. Forritið heitir sem sagt Peel og ef þú ert með Apple tölvu þá geturðu náð þér í eintak á www.getpeel.com. Hérna eru dæmi um svona mp3 blog.

Ég held uppteknum hætti og kynni fyrir ykkur þætti. Rímaði og allt hjá mér. Ég hef dottið niður á 2 ágætis þætti á síðustu dögum sem ég hef kynnt mér aðeins betur. Búinn að horfa á nokkra þætti af hvorum.

Psych:
Fyrst vil ég benda ykkur á þátt sem heitir Psych. Held að hann sé að hefja göngu sína á einhverri stöðinni hér á landi. Þættirnir flokkast sem Gaman / Glæpa / Ráðgáta þáttur og fjallar um James Roday sem fær vinnu sem einhvers konar miðill hjá lögreglunni í bænum sem hann býr. Hann er samt enginn miðill, hann er bara ansi klár piltur og spottar alls konar dót í fari fólks þannig að hann er duglegur að ráða gátur. Pabbi hans var lögreglumaður og kenndi honum að fylgjast svona vel með. Heyrði auglýsingu í sjónvarpinu að þetta væru fyndnustu þættir sem hafa verið gerðir og allt að verða vitlaust í bandaríkjunum útaf þeim því þeir þykja svo fyndnir. Það er reyndar afar langt í frá að þeir séu fyndnir. Þó svo að þeir séu ekki fyndnir þá eru þeir samt fín afþreying. Aðalleikarinn fer stundum í taugarnar á mér með einhverjum skelfilegum ofleik þegar hann er að þykjast miðlast eitthvað en ég læt það fram hjá mér fara.

IMDB gjöf: 8.9/10
ÁRNA gjöf: 7/10

Day Break:

Day Break eru þættir sem ég fann af tilviljun. Þeir fjalla um lögreglumanninn Brett Hopper leikinn af Taye Diggs sem stúlkurnar elska víst. Hann er sjóðheitur kolamoli hef ég heyrt útundan mér. Þættir fjalla um eins og áður kom fram herra Hopper sem vaknar um morgun og kemst að því seinna um daginn að hann er eftirlýstur fyrir morð á Alberto Garza sem er stórlax í borginni. Til að gera langa sögu stutta þá klárast dagurinn og líkt og í Groundhog Day þá vaknar Hopper og þá er sami dagurinn. Hann er sem sagt að upplifa sama daginn aftur og aftur. Hann fær alltaf fleiri vísbendingar varðandi morðið á Garza og upp koma alls konar mál. Það er eitthvað fólk á eftir honum. Vill fá upplýsingar. Kærastan hans, systir hans og félagi hans eru í hættu. Þetta hljómar ansi furðulega en þeir koma skemmtilega á óvart. Ég er allavega hrifinn af honum og mæli með honum ef ykkur vantar eitthvað til að horfa á. Það eru búnir 10 þættir og ég get eiginlega ekki beðið eftir næsta þætti.

IMDB gjöf: 8.4/10
ÁRNA gjöf: 9/10