Fór í fótbolta í gær með nokkrum góðum mönnum. Tíminn byrjaði 18:10 og við vorum mættir rétt fyrir. Yfirleitt þegar maður er mættur smá fyrir tímann þá hreinlega bara búllíar maður viðkomandi hóp út. Hrópar kannski “Er þetta ekki bara búið hjá ykkur?” Og þá lymkast hinir niður þar sem ég er frekar massaður og fólk vill ekki lenda í mér. Hef heyrt að fólk sé að tala um þetta úti í bæ. En það er önnur saga. Við gengum að vellinum og gerðum okkur reiðubúna í að búllía kvikindin sem voru á undan okkur út. Ég hugsa að það sé bara einn maður á Íslandi sem gæti verið í tímanum á undan þannig að maður myndi hætta við í að búllía. Og sá maður var akkúrat í tímanum á undan okkur þannig að við búllíuðum ekki í þetta skiptið. Það var sjálfur Eiður Smári Guðjohnsen.

Svo fékk ég furðulegt símtal áðan. Það hringdi maður að nafni Will (breytti nafninu) og heilsaði mér með nafni og fór að tjatta eitthvað og sagðist svo vilja segja mér dálítið áður en það breiddist út. Hann tilkynnti mér að hann hefði þurft að reka Ben (breytti nafninu) og að hann ætlaði að einbeita sér betur að minni hóp listamanna. Þessi ákveðni maður skuldar mér reikning þannig að ég beið alltaf eftir að það kæmi einhver setning sem tengdist honum en það gerðist ekki. Endaði með því að hann spurði mig hvort að við ættum ekki að fara að hittast eftir áramót, kíkja kannski í pottinn. Símtalið var orðið of langt og flókið og ég búinn að fá of mikið af upplýsingum sem ég átti ekki að fá þannig að ég játaði bara.

Ég hugsa að flestir hafi séð myndbandið þegar snara var sett um hálsins á Saddam Hussein og hann hengdur. Hægt að sjá þetta á flest öllum fréttamiðlum á netinu. Las á einhverju blogi á mbl.is að einhver gaur vildi ekki að hann væri drepinn. Vildi geta spurt hann spurning hvað hann væri að hugsa. Já… Saddam Hussein hefði ábyggilega verið til í það að sytja undir spuringum frá námsmönnum og láta þá vita hvað hann var að hugsa þegar hann sendi hverja sprengjuna á eftir annarri í rassinn á saklausum borgurum hér og þar í heiminum. Ekki sjéns að hann væri til í að svara einu eða neinu. Maðurinn var snarklikkaður og dauðarefsing það eina rétta í stöðunni. Jafnvel að pína hann í svona 5 ár og svo hengja hann. Jafnvel að þetta hafi allt verið sviðsett og það eigi að búa til fótbolta úr honum sem verða seldir á Christies uppboðsvefnum snemma á næsta ári.

Þetta eru þeir sem eru tilnefndir sem íþróttamaður ársins 2006:

Auðunn Jónsson, kraftlyftingamaður úr Krafti
Ásthildur Helgadóttir, knattspyrnukona hjá Malmö FF
Birgir Leifur Hafþórsson, kylfingur úr GKG
Eiður Smári Guðjohnsen, knattspyrnumaður hjá Barcelona
Guðjón Valur Sigurðsson, handknattleiksmaður hjá Gummersbach
Margrét Lára Viðarsdóttir, knattspyrnukona hjá Duisburg
Ólafur Stefánsson, handknattleiksmaður hjá Ciudad Real
Ragna Ingólfsdóttir, badmintonkona úr TBR
Sif Pálsdóttir, fimleikakona úr Gróttu
Örn Arnarson, sundmaður úr SH.

Mér finnst Auðunn eiga þetta skilið, Birgir Leifur Hafþórsson, Ragna Ingólfsdóttir og Sif Pálsdóttir. Ef ég ætti að spá þá spái ég Birgi Leifi Hafþórssyni fyrir að komast á þessa hressu mótaröð. Annars held ég að Sif Pálsdóttir verði ofarlega. Hún var náttúrulega Norðurlandameistari, Íslandsmeistari og stóð sig nokkuð vel á EM í fimleikum.

Annars er auðvitað ekkert nema hneyksli að ég sé ekki á þessum lista. Alveg gáttaður á þessum íþróttafréttamönnum.

Ég hvet aðdáendur mína til að senda tölvupóst á 2006@ruv.is og velja mig sem mann ársins. Keflavík gat komið einhverju dýri þarna í sætið Herra Ísland þannig að ég hef trú á að ég geti orðið Maður Ársins 2006. Þið megið byrja núna.

Var að rifja upp um daginn þær jólagjafir sem ég man virkilega eftir að hafa fengið. Yfirleitt þá steingleymi ég hvaða jólagjafir ég fékk. Jafnvel er það stundum svo slæmt að maður er búinn að gleyma hver gaf manni hvað strax daginn eftir og því erfitt að hitta fólk. Og fólk spyr mann hvort að maður hafi verið ánægður með gjöfina og ég þarf hreinlega að ljúga að ég hafi verið ánægður því ekki hef ég hugmynd hvað viðkomandi gaf mér. En þetta hefur samt lagast síðustu árin. Var virkilega slæmt þegar ég var yngri. Því í æsingnum gleymdi ég að lesa á kortin og það er aldrei góðs viti. Hérna eru nokkrar af þeim gjöfum sem eru sérstaklega minnisstæðar hjá mér.

Nintendo:
Man ekki nákvæmlega hvað ég var gamall þegar ég fékk Nintendo leikjatölvu í jólagjöf. Þetta hlýtur samt að hafa verið eitthvað eftir að hún kom fyrst á markað því að með henni fylgdi Super Mario Bros 3. Ég hugsa að ég hafi aldrei verið jafn ánægður með gjöf sem ég hef fengið. Brosti allan hringinn og svo smá meira. Var oft búinn að prufa Nintendo hjá vinum mínum og var algjörlega agndofa þegar ég opnaði pakkann og sá að ég hafði fengið Nintendo. Spilaði Super Mario Bros allt kvöldið og fram á nótt og daginn eftir og daginn eftir og lét ekki fjarstýringuna frá mér fyrr en ég var búinn að klára helvítið. Svo lét ég seinna meir breyta tölvunni þannig að hún gæti tekið svona multileikjadiska og það var eðall. Á endanum seldi ég tölvuna með öllum leikjunum á 10.000kr. Mestu mistök mín í lífinu. Ef einhver á Nintendo tölvu sem virkar og langar að gleðja lítið hjarta í árbænum þá er ég jafnvel tilbúinn að kaupa hana.

Lítið Snooker borð:
Þessi jól byrjuðu á vonbrigði en enduðu á þvílíkri ánægju. Ég var búinn að skrifa efst á jólalistann minn “Lítið Snóker borð”. Þegar allar gjafirnar voru komnar undir jólatréið og það var byrjað að dreyfa pökkunum áttaði ég mig á því að það var nokkuð ljóst að ég var ekki að fara að fá Snóker borð því það var augljóslega ekki að passa í neinn af pökkunum sem voru undir trénu. Svo kom hver gjöfin á fætur annarri og að sjálfsögðu var maður ánægður en það var tár á hjarta mínu að fá ekki snóker borðið litla sem ég þráði svo mikið. Þegar allt var búið þá laumaðist held ég pabbi upp og náði í risastóran pappakassa og ég vissi náttúrulega strax hvað var að gerast og hoppaði hæð mína af kæti. Ég hafði fengið lítið snóker borð í jólagjöf. Hata þegar fólk segir “billiard borð” þegar það er annað hvort að tala um snóker eða pool borð. Billiard borð er ekki með neinum vösum. Svona eins og bikini. Ég vil taka það fram að litli strákurinn fylgdi ekki með. Það var búið að sérpanta hann úr pakkanum í Neverland einhvers staðar í Bandaríkjunum.

Sjitt ætlaði nú að telja upp fleiri atriði. Kannski mér detti eitthvað í hug meira á næstu dögum fyrir jólin.

Það er nokkuð ljóst að það er mikið búið að ræða málið með Byrgið og herra Guðmund Jónsson sem á samkvæmt Kompás að hafa misnotað aðstöðu sína og átt í kynferðislegu sambandi við vistmenn. Svona er málið búið að vera í stuttu máli. Kompás sýnir þátt um Byrgið þar sem þau ásaka Guðmund Jónsson um kynferðisbrot og að hafa verið að bardúsa eitthvað með peninga Byrgisins. Það var sýnt myndband í þættinum af Guðmundi þar sem hann er að mynda sjálfan sig og tólið sitt sem hann á síðan að hafa sent einhverri sem var í meðferð hjá Byrginu.

Er Kompás ekki að gera bara nákvæmlega það sama og DV var að gera hérna fyrir dálitlu síðan. Dæma fólk áður en það er búið að sanna eitt eða neitt á það. Sama hvort hann er sekur eða ekki þá er ekki í lagi að koma með svona umfjöllun. Guðmundur er kannski saklaus og þetta var eitthvað megaplott gegn honum. Og þá er aldeilis búið að sverta mannorð hans. Spurning hvort að fólk hefði verið reiðari út í Kompás ef hann hefði svipt sig lífi eins og maðurinn sem var ásakaður um kynferðislegt ofbeldi í DV.

Ég er ekki að segja að ég haldi að Guðmundur sé saklaus. Ég er ekki að segja að hann sé sekur. Hef ekki hugmynd um þetta á hvorn veginn sem þetta er. Þetta er bara orð gegn orði þangað til að dæmt verður í þessu ef þetta fer fyrir dómstóla.

Þetta eru allavega mínar pælingar hvað varðar þetta mál.

En að öllu alvarlegri málum þá gaf Sirrý í Ísland í bítið Loga Bergmanni háa fimmu í þættinum í morgun. Það var frekar furðulegt að sjá þetta en samt frekar fyndið. Sirrý fær held ég + í kladdann.

Spurningaeltileikur Trvial Pursuit hefur lengi verið í uppáhaldi hjá mér og hef ég ósjaldan æpt á meðspilara mína, sakað þá um svindl, farið í fússi, fagnað sigri, samið um jafntefli, hent hlutum, spurt leiðinleg og skemmtilega og margt fleira. Það hafa komið út margar útgáfur og á ég þær flestar. Eina mesta framförin fannst mér þegar borðinu var breytt. Teknir voru út 2 “kasta aftur” reitir á milli kökureita og í staðinn settur einn hopp á köku reit. Þetta var mikil framför og stytti spilið töluvert. Vonlaust að vera alltaf að kasta aftur og aftur og aftur og aftur. Svo frétti ég að það væri komin ný útgáfa með nýjum spurningum. Og ég kannaði málið og sá þá mér til mikillrar undrunar að það er komið aftur gamla borðið með leiðinlegu “kasta aftur” reitunum. Ég er ekki sáttur verð ég að segja. Það ætti auðvitað hægt að vera hægt að kaupa bara nýjar spurningar. Svik að maður þurfi að borga fyrir allt draslið aftur.

Hugsa að það væri gaman að eiga svona netta DVD útgáfu.

Jólin nálgast víst. Er svona nokkurn veginn búinn að ganga frá jólagjafakaupum. Veit samt ekkert hvar þær eru. Set þær alltaf einhvers staðar og svo steingleymi ég hvar. En það er nú ekkert svo mikið mál. Á eftir að klára nokkrar gjafir. Tek það í vikunni. Lúxus að vera ekki í vinnu frá 8-16 því maður getur bara hoppað nokkurn veginn hvenær sem er í búðir. Fínt að losna við troðninginn og æstu konurnar sem vaða um allt rétt fyrir jólin. Þegar maður var yngri þá var maður með jólalista sem maður lét mömmu fá og svo hafði fólk samband við hana og hún gaf fólki hugmyndir. Það þýddi að maður vissi eiginlega bara allt sem maður fékk í jólagjöf… sem er náttúrulega ekki gott. Geri þetta ekki núna. Fólk verður bara að finna út úr þessu sjálft. Býst nú ekki við neitt sérstaklega mikið af gjöfum. Maður á líka flest allt sem manni langar í. Ekki eins og þegar maður var yngri og átti ekki bót fyrir boruna á sér og stólaði á að eignast hluti með því að fá í jólagjöf eða afmælisgjöf.

Þessi jól leggjast vel í mig. Smá mál sem ég þarf að klára fyrir jól. T.d. að sigra í fótboltadeildinni Pendejo. Því redda ég á morgun, mánudag. Baráttann er á milli mín og Páls e. Sama hvernig fer þá verðum við óvinir yfir jólin. Annaðhvort ég í fýlu út í hann að ég hafi tapað eða öfugt. Betra að það sé öfugt fyrir mig.

Að lokum vil ég óska Sigurjóni til hamingju með sína fyrstu Converse skó og vonandi verða þeir fleiri.

Annars eru þetta djásnin mín:

Sá hluta af Tekinn! á Sirkus þar sem Björgvin Halldórsson var að árita í Skífunni og Auðunn fékk einhverja stelpu til að áreita hann og vera með vesen. Ágætis hrekkur svo sem en frekar langur. En þetta minnti mig á það þegar ég fékk e-mail frá herra Björgvini og hann var að spyrjast fyrir um myndir af syni sínum Krumma. Og ég svaraði honum og hóf e-mailið með orðunum “Sæll Halldór…”

Já það skal ég segja ykkur. Við frændurnir frábæru eins og sumir vilja kalla okkur skelltum okkur í annan borgaradóm. Ætlum að reyna að vera með þetta reglulegra núna. Tókum okkur smá pásu en erum komnir á fullt skrið núna. Sótti Pál E. í skólann þar sem hann las lögin. Það var marg oft búið að benda okkur á Vitabarinn/Vitaborgarinn þannig að við ákváðum að prufa. Fórum sem sagt á Vitaborgarann sem er við hliðina á hinum marg fræga Breiðvangi eða Broadway.

Vitaborgarinn

Maturinn:
Pöntuðum okkur ostborgaratilboð eins og alltaf. Það fylgdi ekki með kóladrykkur þannig að við þurftum að kaupa það sér. 1/2 dós kostaði 200kr sem er auðvitað frekar dýrt. Borgarinn kostaði samt ekki nema 650kr þannig að þetta rétt slapp þó svo að 850kr sé í það mesta fyrir borgara. Við fengum stórt glas með klaka. Ég var smá skeptískur á það að klakinn myndi bráðna áður en við fengum matinn okkar því yrði kólað vel vatnsblandað en svo var ekki. Fengum borgarana á mettíma enda lítið að gera í hádeginu… sem er kostur eða hvað? Fyrsta sem ég vil nefna eru franskarna. Okkur þótti þær góðar. Þær voru stórar og stökkar og minntu einna helst á American Style franskarnar sem eru í uppáhaldi hjá mér. Við vorum líka ánægðir að fá kokteilsósuna í sér boxi og lokaða. Maður veit aldrei úr hverju hún er að koma ef hún er í skál. En snúum okkur að borgaranum. Það var á honum BBQ sósa sem kom ágætlega á óvart. Það leyndist hins vegar á versta stað tómatsneið sem mér líkar ekki. Hún var undir hamborgaranum í lúmskum feluleik og slorug þannig að erfitt var að plokka hana af. Brauðið var rosalega vont eiginlega bara. Það var þurrt og eins og það hafi ekki verið hitað á grillinu. Minnti einna helst á bara brauð sem maður kaupir úti í búð. Ekki alveg nógu gott það. Við vorum búnir að heyra margt gott um vitaborgarann en hann stóðst engan veginn væntingar. Langt í frá að mínu mati.

Sáttir með að fá kók í dós. Hamborgarinn leit vel út og franskarnar öflugar.

Staðurinn:
Staðurinn er við hliðina á Broadway. Þannig að það er hætta á að jafnvel að það komi einhver sem hafi verið að skemmta sér á Broadway kvöldinu áður. Búinn að fá sér einum eða tveimur of marga raulandi lög með Stebba og Eyfa og með læti. Þannig að ef það er möguleiki að þetta gerist þá er það slæmt fyrir staðinn. Annað sem var ekki nógu gott var að hurðin var með vesen. Veit ekki hvort að hún hafi verið svona stíf eða hvort þetta hafi verið dragsúgur eða hvað. Hún var allavega erfið og með vesen. Líkar það ekki. Það er rosalega langt á milli borða þarna sem gefur manni ákveðið næði en því næði er hægt að ná með básum sem okkur líkar vel við. Lesefnið var mjög gott. Fær A+. Það voru öll helstu slúðurblöðin og svo Mogginn síðustu vikuna raðaður í góða röð. Skipulag á þessu.

Kokteilsósa í lokuðum umbúðum er stór plús. Sjiv hnífurinn gæti komið að góðum notum.

Annað:
Hnífurinn sem fylgdi borgaranum var ansi sjivlegur og ábyggilega góður ef maður þyrfti að sjiva einhvern sem væri með læti. T.d. einhvern með læti af Stebba og Eyfa tónleikunum. En það er hins vegar ekki gott ef viðkomandi er betri með hnífinn en þú. Því þá verður maður sjálfur sjivaður.

Lesefnið var afar gott og skipulagt. Svo var örlítið meira en 1/2 líter í dósinni.

Samantekt:
- Góðar franskar
- Brauðið bara vont. Jafnvel gamalt
- Þurftum að borga fyrir kókið
- Kokteilsósan í lokuðum umbúðum
- Nóg af stæðum… hjá Aggli Árnasyni
- Verðið er í hæsta lagi fyrir ekki nógu góðan borgara

Stjörnugjöf:
Við gefum í hamborgurum og frönskum. Einn hamborgari jafngildir einni stjörnu og franskar jafngildir hálfri stjörnu. Við gefum mest fimm hamborgara.

Vitaborgarinn fær

Fyrri dómar:
- American Style
- Red Chili
- Hamborgarabúlla Tómasar – Hafnarfjörður
- Brautarstöðin
- Anna Frænka
- Eikaborgarar