Dagana 25.mars – 26.mars 2004 tók ég mig til og bloggaði 100 sinnum á einum sólarhring. Ég setti mér markmið í byrjun að hafa öll bloggin lengri en bara eina línu því það er frekar mikið svindl að skrifa bara eina setningu í bloggi. Svo ákvað ég líka að vera ekki að skrifa bara blogg um hvernig mér gengi að klára þessar 100 færslur. Gerði það bara þegar ég var hálfnaður.

Mér var bent á núna um daginn að einhver gaur sagðist hafa bætt þetta met mitt með 105 bloggum. Fann slóðina á síðuna og hana má finna hérna. Hann gerði þetta 25.10.2004 þannig að þið þurfið að skrolla niður til að finna þetta. Getið líka leitað að “íslandsmet í bloggskriftum” og þá fáið þið fyrstu færsluna.

Núna þarf ég eiginlega að fá álit hjá ykkur hvort að viðkomandi hafi bætt metið mitt. Þetta byrjar ágætlega þangað til í 5.bloggi. Þá brýtur hann strax fyrstu regluna og skrifar blogg sem er varla ein lína.

Hérna eru nokkur bloggskrif hjá honum sem eiginlega geta varla talist vera löglegar færslur þar sem þær voru allt of stuttar og innihaldslausar að mínu mati:

“Ákvað að skíra eitt blogg fullu nafni Nonna þar sem að ég hef aldrei gert það áður….nógu innihaldsríkt fyrir ykkur? ”

“Þar sem að ég hef aldrei skírt blogg með fullu nafni á Begga, að þá ætla ég hér með að gera það. Til hamingju Bergur!”

“Verð að taka mér smá pásu, ætla að fara aðeins í Nba 2004 og drekka kók. Kem eftir smá ”

“Ps. Þetta var tekið sem blogg, og þetta blogg líka ”

“Ég ætla aðeins að fikta í Glært Gler og jafnvel taka upp bakraddir, haha, VEI!”

“Hef ákveðið að skíra eitt bloggið með fullu nafni Guðmunds þar sem að ég hef aldrei gert það áður. Til hamingju Gummi!”

“A. B. C. D. E. F. G. H. I. J. K. L. M. N. O. P. Q. R. S. T. U. V. W. X. Y. Z.

Nota Bene! Ég tók þetta af google.com ”

“Ekki margir geta skrifað stafróið afturábaka, en behold the power af Magnus!

A. B. C. D. E. F. G. H. I. J. K. L. M. N. O. P. Q. R. S. T. U. V. W. X. Y. Z

HAHA!”

“Gleymdi að snúa því við!!

Z. Y. X. W. V. U. T. S. R. Q. P. O. N. M. L. K. J. I. H. G. F. E. D. C. B. A.

JEH!”

Svo kemur eitt blogg sem hann kóperar blogg frá mér af síðunni minni í heild sinni og telur sem eitt af þessum 105 bloggum hans.

Svo kemur önnur færsla sem hann útskýrir aftur hvað hann er að gera.

“Rétt í þessu setti ég á Stöð 2 og kastaði upp…

…þakka fyrir mig Haukur!”

“Öss, hver á eftir að muna eftir þessum degi sem byltingarkenndum degi? Allavegana ég sko!!”

“BLESS!”

“Þetta er blogg númer 79, alveg eins og eitthvað númer í amerískum fótbolta…eða hvað, jú!?”

“Og með því ætla ég að flytja smá ljóð:

Bjór er stór þó ey er frjór,
en kók er betra!”

“OOOOOJJJJ það er svo vond lykt af mér, en ég á allavegana 12 blogg eftir þar sem að ég hef ákveðið að rétt skríða yfir íslandsmetið, er það ekki alveg nóg? :S”

“Þakkir frá Gummi, Bergur, Nonni, Björg og þeir sem að kröfðust þess að ég skrifaði löng blogg, þið eruð DA BOMB!”

“á mér, því ég er gjörsamlega að missa það og búinn að fjölga þessu í 105 blogg, haha, ég er farinn!”

Álit mitt:
Ég verð að viðurkenna að mér finnst allt of mörg blogg þarna vera stutt og ekki um neitt. Og allt of mörg bara um hvað hann sé að fara að gera. Fara í fótbolta. Fara niður og fá sér kók og eitthvað.

Nú væri gaman að fá að heyra frá ykkur hvað ykkur finnst. Held ég enn metinu eða sló hann Maggi það?

Fólk mun ekki muna eftir leiknum í dag sem leikurinn þegar Chelsea urðu meistarar heldur sem leikurinn sem Rooney fótbrotnaði 6 vikum fyrir HM. Löppin á honum fór í algjöran kúk. Ekki oft sem maður sér Rooney kveinka sér eitthvað þannig að ég vissi strax að það var eitthvað alvarlegt að.

arni.hamstur.is says:
ég held samt að hann eigi eftir að harka af sér og taka massífar æfingar til að komast á hm
arni.hamstur.is says:
og england verður heimsmeistari
arni.hamstur.is says:
lokasvar
Sigurjón says:
haha
Sigurjón says:
GLÆTAN að England verði meistari
Sigurjón says:
never ever

Þetta er mín spá. Viðurkenni að hún er frekar ólíkleg en það er ekkert gaman að spá alltaf Brasilíu sigri þannig að þetta er mín spá.

Fór í myndatöku um daginn. Þegar ég mætti á svæðið þá var viðkomandi sem ég átti að mynda ekki tilbúinn til að láta mynda og vildi fresta tökunni um óákveðinn tíma. Það var svo sem ekkert gífurlega mikið mál en það sem verra var að þegar ég var á leiðinni út þá hafði hundurinn á heimilinu tekið sig til og pissað á myndavélatöskuna mína og ferðatölvutöskuna mína. Ég var ekki sáttur.

Hægt og rólega virðist DV vera að slappast útaf. Kannski ekki furðulegt miðað við hvernig það hefur hagað sér. Samkvæmt mbl.is mun DV núna framvegis bara koma út um helgar.

Það virðist vera sem að í hvert skipti sem einhver minnist opinberlega á að nú sé sniðugt að fara að setja sumardekkin undir þá komi snjór og hálka. Fyrir svona mánuði síðan var einhver gáfuúlpa að blaðra í mogganum að það væri óhætt að setja sumardekkin undir. Næsta dag var rugl mikil snjókoma og 8 gráðu frost. Núna um páskana voru einhverjar löggur að blaðra í sjónvarpinu um að það ættu allir að vera komnir á sumardekk og daginn eftir var frétt um að strætó hafi runnið í hálku útaf veginum. Ég mæli með að fólk eigi að hætta að segja að það sé óhætt að taka vetrardekkin undan svo að það komi einhvern tíman sumar. Mín vetrardekk fara ekki af fyrr en í fyrsta lagi í ágúst.

Var að klára að uppfæra myndaalbúmin á torfason.is. Bætti við myndum í hina og þessa flokka og bætti svo við einum nýjum flokk sem ber titilinn NEWS.

Gervihnattadiskur er eitt af því sniðugasta sem ég hef vitað um. Maður fær fullt af skemmtilegum þáttum beint í æð. Og það hötum við ekki. Það eru tveir nýjir þættir sem mig langar að mæla með. Ef þið hafið tök á að sjá þá þá er ekki spurning að þið tjékkið á þeim.

THIEF
Thief fjallar um þjófa eins og nafnið gefur til kynna. Þessir þættir koma frá sama fyrirtæki og gerði þættina “The Shield”, “Nip/Tuck” og “Rescue Me”. Með aðalhlutverkið fer Andre Braugher sem mér finnst nokkuð fínn leikari þrátt fyrir furðulega munnsvipi sem hann ræður ekkert við. Held að hann sé hálfur maður og hálft gúmmítyggjó. Þessir þættir eru fínasta afþreying. Samkvæmt epguides.com þá verður fyrsta serían 6 þættir og er búið að sýna fjóra af þeim. Fín afþreying og ekki mikið um bull eins og í mörgum þáttaröðum sem eru endalaust dregnar á langinn með einhverju furðulegu helvíti.

THE UNIT
Ástæðan fyrir því að President Palmer lét lífið í 24 seríunni var sú að hann er farinn að leika i annarri seríu sem ber heitið “The Unit”. Þættirnir fjalla um sérsveit í Bandaríkjahernum sem kallar sig “The Unit” og eru þeir að leysa alls konar hressandi verkefni. Þetta er eðal afþreying og verður það næstu vikur þar sem það eru bara búnir 7 þættir af 12. Finnst líklegt að það verði svo húrrað út annarri seríu.

Endilega tjékkið á þessu ef þið hafið tök á því.

Vil óska góðfélaga mínum Sigurjóni til lukku með daginn. Strákurinn orðinn 48 ára gamall. Lítur ekki út fyrir að vera eldri en 16 ára. Ótrúlegt alveg hreint.

Jæja góðir hálsar. Ákvað um daginn að kaupa mér eitt stykki lén um leið og ég var að kaupa annað fyrir fyrirtækið mitt. Hef alltaf ætlað að kaupa mér eitthvað lén þegar ég væri búinn að setja upp portfolio-síðu fyrir myndirnar mínar sem ég væri mjög sáttur með.

Ég sem sagt fjárfesti í léninu www.torfason.is og þar mun ég geyma portfolio-síðu sem er komin upp. Á reyndar eftir að setja nokkrar fleiri inn og taka jafnvel einhverjar út. Er að vinna í að skipuleggja þetta allt saman. Ég var búinn að pósta þessari síðu hérna fyrir nokkru síðan. Og þá undir heitinu photos.mis.is. En núna er þetta komið á torfason.is.

Helstu breytingar frá því síðast:

info: Smellir á hann og þá poppar upp smá gluggi sem er að finna smá upplýsingar um mig.
full size image: Ef þessi hnappur er hvítur þá er hann valinn. Sem þýðir að ef þú ferð inn á albúm þá færðu fyrstu myndina í albúminu stóra og síðan flettirðu með + og – táknunum fram og til baka.
thumbnail view: Ef þessi hnappur er hvítur þá er hann valinn. Sem þýðir að ef þú ferð inn í albúm þá færðu smámyndir af myndunum sem eru í albúminu. Getur síðan smellt á myndina til að sjá hana stóra.

info: Smellir á takkann og þá færðu upp smá upplýsingar um hverja mynd fyrir sig. Smellir aftur til að láta textann hverfa.
humbnail view: Smellir á þann takka og þá ferðu yfir í smámynda haminn og sérð smámyndir af þeim myndum sem eru í því albúmi sem þú ert að skoða.

Vonandi skilst þetta. Ætti ekki að vera það flókið

www.torfason.is

Vildi bara benda ykkur á að Auður var að smella inn hellings af myndum inn á síðuna sína frá Norðurlandamótinu í fimleikum. Þannig að þegar páskaeggið er búið þá mæli ég með því að þið rúllið í gegnum þetta.

Norðurlandamótið í Áhaldafimleikum

Sif Pálsdóttir, Norðurlandameistari kvenna