Dagurinn í dag er búinn að vera langur. Vaknaði klukkan 7:30 eftir svefn… ekki mikinn en samt svefn. Var mættur í töku klukkan 8:00. Smá undirbúningur og svo var hafist handa klukkan 9:00. Gekk bara mjög vel og er ég sáttur með útkomuna. Birti eitthvað af þessu jafnvel þegar þetta fer í gang. Skilaði af mér myndunum strax og fékk svo 20 mínútna pásu sem fór í My Name is Earl og 7 mínútna svefn. Var mættur í aðra myndatöku 14:30 sem gekk einnig vel. Gekk svo frá myndum frá þeirri töku og gat því slappað af í smá stund. Rétt nóg fyrir einn simpsons þátt en var samt að vinna með öðru auganu. Svo voru það tökur frá 19-21:30. Fótbolti frá 22-23 og sturta eftir það. Og núna er það að halda áfram með vefsíðu sem á að ljúkast fyrir morgundaginn. Ekki mikið eftir þannig að þetta er allt í góðu.

Stefni á svefn kannski á milli 3-4. Kveð í bili. Já og meðan ég man…

Lenti í þriðja sæti í Low Key keppninni á Dpchallenge.com með þessa fimleikamynd.

Jesús er loftpúðinn minn!

Það hefur ýmislegt gerst síðustu daga. Fór í fyrsta skipti á ævi minni í líkamsrækt. Keypti mér kort í World Class og hef núna farið tvisvar sinnum. Hormjon bauðst til að koma með mér og sýna mér á tækin og svona sem var mjög sniðugt. Ég hefði ábyggilega verið búinn að hengja mig í einhverju tækinu ef ég þekki mig rétt. Annars er ég sáttur að hafa keypt þetta kort. Ekki frá því að maður hafi gott af því að hreyfa sig. Líka fín leið til að taka sér smá pásu frá vinnudeginum. Yfirleitt mjög mikið að gera hjá mér og því er ég yfirleitt að vinna allan sólarhringinn… nema kannski rétt á meðan ég sef. Þannig að þetta er fín leið til að fá smá pásu svo maður vinni ekki yfir sig.

Fór og keypti mér nýjan skjá í dag. Fjárfesti í Apple 20″ Cinema Display kvikindi. Þýðir ekkert annað ef maður ætlar að vera maður með mönnum. Hann allavega svínvirkar og er hress. Það er bara rugl hvað þetta er skýrt. Prufaði að tengja lappann minn við sjónvarpið mitt um daginn og gæðin eru svipuð og í því. Bara rugl skýrt. Tengist líklegast eitthvað að maður er að tengja þetta með DVI en ekki RGB kapal. Langar núna doldið að kaupa mér kort til að tengja S-Video út í sjónvarpið mitt 7″ sem ég er með við hliðina á tölvunni. Sem myndi ekki virka sem auka skjár heldur bara spila allt DIVX sem er spilað út úr tölvunni. Hormjon hélt að svona kort héti Hollywood eitthvað. Hann átti svona en einhver fékk það lánað og er því týnt. Fólk ekki duglegt að skila hlutunum. Ætla að kanna hvort ég finni svona kort og kaupa mér sem fyrst bara. Ef einhver veit hvort svona er selt einhvers staðar má endilega kommenta hérna.

Náði mér í Mozilla Sunbird sem er svona Calander dæmi. Mjög einfalt og gott. Þetta er í þróun hjá Mozilla þannig að þetta er ekki fullnaðarútgáfa. En mjög þægilegt að hafa þetta til að skrá niður tökur og fleira sem er á dagskrá hjá mér. Mæli eindregið með því að prufa þetta ef þið eruð að leita að einhverju til að skipuleggja. Annars er líka hægt að skrifa þetta bara í bók eins og hann Pálus gerir.

Svo opnaði í dag Fuglaflensa.is og puttarnir mínir komu þar aðeins við sögu. Þessi vefur var gerður í samvinnu við mbl.is og fleiri þannig að útlitið er mjög mjög keimlíkt mbl.is sem var planið. Bara svo fólk komi ekki með eitthvað væl að þetta lúkki eins

Til að summa þetta upp: (fyrir þá lötu)
- Fór í World Class
- Sunbird
- Keypti mér skjá
- Fuglaflensa.is

Sá ansi sérkennilega umræðu í kompási á NFS í gærkvöldi. Það var sem sagt hópur fólks sem vildi banna svokallaða flakkara af því að fólk væri að niðurhala ólöglegu efni, myndum og þáttum, af netinu og setja á þá. Þetta voru sem sagt fólk frá stöð2, skjá einum og sammyndböndum held ég sem var að kvarta yfir þessu. Mér finnst skiljanlegt að þau séu að kvarta yfir því að fólk sé að ná í efni af netinu þrátt fyrir að það virðist ekki hafa áhrif á sölu eða áskriftir eða auglýsingar hjá þeim að þeirra sögn. En að tengja þetta eitthvað við harða diska bara af því þeir eru utanáliggjandi er auðvitað bara fáránlegt. Ætla þeir að banna alla harða diska, alla geisladiska, alla dvd diska, allar ferðatölvur, ipod video og aðrar græjur sem geta geymt og spilað þætti og bíómyndir.

Mér fannst mjög skemmtilegt þegar einhver á stöð2 sagði að þættirnar “Stelpurnar” gengu á milli manna. Skil ekki alveg af hverju það er slæmt. Það sýnir bara að fólk hefur áhuga á þáttunum. En þetta eru þættir sem er búið að sýna og þeir eru ekki það góðir að þeir ákveði að endursýna þá. Þannig að þetta er bara ágætis auglýsing fyrir stöð2 finnst mér. Ekki hef ég orðið var við að fólk sé með þessa þætti ólöglega á tölvunum sínum. Enda langt frá því að vera skemmtilegir.

Þau ætla öll að leita réttar síns í þessu máli. Ef einhver dómur/dómari tekur upp á því að dæma einhverju í óhag því að viðkomandi á flakkara þá bara flyt ég til suður-kóreu frekar. Ábyggilega ánægjulegt og áhugavert þjóðfélag þar.

Annars ef þau ætla að banna flakkara þá hljóta þau að ætla að banna videospólur sem enginn geti tekið upp þætti úr sjónvarpinu og lánað vinum sínum spólurnar. Það hlýtur að vera jafn ólöglegt og að taka upp úr sjónvarpinu yfir á divx.

Annars er í góðu lagi að taka upp sínar eigin dvd myndir og þætti og geyma á svokölluðum flökkurum. Veit ekki alveg hvernig reglurnar eru með að lána svoleiðis efni sem maður hefur tekið upp. Það væri gaman að komast að því.

Ef það er löglegt þá hlýtur að vera löglegt að vera með í láni hjá fólki og ef löggan bankar upp á þá bara “ertu með þetta allt í láni”.

Það verður gaman að fylgjast með þessu máli og hvernig þetta endar.

Það sem sjónvarpsstöðvarnar þurfa að gera er að vera aðeins fljótari með þættina. Ekki mörgum árum stundum á eftir með suma þætti. Stöð 2 kom samt með gott ráð. Ætla að sleppa 2 árum úr Bold and the Beautiful þáttaröðinni. Kannski þetta sé liður í því að koma í veg fyrir að fólk niðurhali þessum þáttum á netinu.

Nichael jafnvel?

Var að gera smá breytingar á síðunni hennar Auðar sem ég gaf henni í jólagjöf síðustu jól. Var að færa hana inn í annað kerfi sem hormjon nokkur gerði. Hún var líka að bæta inn albúmum og myndum í albúmin sem fyrir voru. Ef þið hafið áhuga þá getið þið skoðað síðuna á audur.hamstur.is. Ein mynd á síðunni sem ég er einkar hrifinn af hér og læt hana fylgja hér með fyrir neðan og link á hana.

Ég myndi segja að 14. þáttur af Prison Break hafi verið sýndur í kvöld á Bandaríkjunum góðu. Gott fyrir þá sem eru með gervihnattardisk. Sussumsvussum hann var rosalegur. Eða réttara sagt var hann bærilegur því maður var orðinn svo rosalega spenntur. Held að næstu 2 og síðustu í seríunni verði all rööösalegir. Ég get ekki sagt annað en ég hlakki til. Já ég hlakka til! Er fólk ekki almennt hrifið af þessum þáttum annars? Eða er ég bara einn hérna hoppandi af kæti að það sé gott sjónvarpsefni á markaðnum.

Smellti inn nýju albúmi eins og kannski einhverjir hafa tekið eftir ef þeir hafa litið til hægri. Bubbi farinn út og Dikta og Ampop komnir í staðinn. Annars getið þið kíkt á albúmið með því að smella á myndina hér fyrir neðan.

Þá er helgin að baki og hvað tekur við. Önnur vinnuvika sem er ekkert nema gott. Helgin var viðburðarík.

Á föstudaginn skelltum við Auður okkur á leika á Nasa. Þetta voru lokatónleikar í hringferð Rásar 2 um landið. Á boðstólnum voru Dikta, Ampop og Hermigervill en engir stólar lausir þrátt fyrir snemmkomu. Dikta voru rosalega góðir eins og alltaf. Ég varð fyrir smá vonbrigðum með Ampop. Þeir eru góðir en lagið sem er spilað mest með þeim í útvarpinu er svo rosalega gott að hin ná ekki í rassinn á því. Svo hljómuðu þeir langt frá því sem þeir hljóma á plötunni. Annað en Dikta sem eru alltaf mjög svipaðir og maður sé að hlusta á plötuna þeirra. Við létum okkur hverfa áður en Hermigervill byrjaði að spila. Heyrði í honum smá í útvarpinu á leiðinni heim og hann virtist ekki vera að ná stemmningu og heyrði það sama frá fólki sem var lengur á staðnum. Hann náði upp all rösalegri stemmningu á Airwaves að það náði engri átt þannig að ég fyrirgef honum þetta.

Á laugardaginn var það afmælisveisla hjá Billa og var það alveg hreint ágætis veisla verð ég að segja. Mikið af fólki sem ég þekkti ekki neitt en einn og einn inn á milli sem ég kannaðist við. Þetta varð fínasta kvöldstund. Svo urðu úrslit kunn í keppninni “Pick Two” á dpchallenge.com. Lenti þar í þriðja sæti með fiðraða mynd. Viðfangsefnið var sem sagt að maður átti að velja tvennt af eftirfarandi: hnetusmjör, hjól, fjaðrir, tvískipt gleraugu, grænt hlaup og háir hælar.

Sunnudagurinn fór í að horfa á formúluna sem er alltaf ágætis afþreying. Hring eftir hring eftir hring eftir hring. Svo myndaði ég í fyrsta skipti fimleika um helgina sem var nokkuð skemmtilegt. Nokkur ágætis skot held ég sem ég náði þar. Núna er það bara x-files og klára það sem ég þarf að klára fyrir morgundaginn og svo er það svefn. Jafnvel að ég smelli inn myndum frá Dikta, Ampop og fimleikum hérna inn við tækifæri.

Já. Ég man þegar það byrjuðu að koma auglýsingar á strætóskýli sem voru gular. Svo var einhver skjaldbaka þarna að væflast og alls konar furðulegar setningar sem maður skyldi ekki mikið í. Einhver hljómaði þannig að eins og þetta væri þjónustu á netinu sem gerði þér auðveldara að skoða netið ef þú ættir við einhverja fötlun að stríða. Það stóð eitthvað um smátt letur þannig að ég hélt að þetta gæti verið eitthvað sem stækkaði letrið.

En svo kom í ljós seinna meir að þetta var tryggingarfélag á netinu og held bara fyrir bílatryggingar. Mér finnst þessi auglýsingaherferð hin furðulegasta. Það eru nokkrir punktar sem maður skilur bara engan veginn og þá einn sérstaklega. Þeir auglýsa að það sé alltaf hægt að hætta hjá þeim. Er þetta sniðugt? Eru þetta svona lélegar tryggingar að það þarf að láta fólk vita að það geti flúið frá óbjóðnum þegar það vill? Og þeir eru að tala um að elísabet hati smátt letur. Og þeir stækka það svo sannarlega fyrir mann því að upplýsingar eins og þessar að það megi hætta hvenær sem er er eitthvað sem ætti að vera í smáa letrinu. Auðvitað sniðugt að geta hætt ef maður vill en að blása það upp í herferð er alls ekki sniðugt. Lítur illa út finnst mér fyrir vöruna.

Þeir tala um að þetta sé svo einfalt. Ég smellti mér inn á elísabet.is og þar sé ég “Algjört lágmark”, “Hentar buddunni”, “Hentar flestum” og “Hentar bílnum”. Ég er engu nær hvað hentar mér því ég á ekki buddu, ég er ekki eins og flestir, algjört lágmark hljómar eins og þá sé ég bara að tryggja speglana á bílnum og hentar bílnum… bílnum er alveg sama. Svo er þarna einhver reiknivél. “Hvað þarftu mikið?”… ha… mikið af hverju? “Hvað geturðu borgað á mánuði?” Ég get í rauninni borgað alveg slatta. Kannski svona 100.000. En er það ekki allt of mikið.

Hluti af auglýsingunni er líka að viðskiptavinurinn sé ekki að borga fyrir húsnæði í einhverjum auglýsingum þar sem fólk er að sýna hús en einn sýnir tölvu. Mjög spes.

Ég vil fara inn í tryggingarfélag, sem er með hús og með starfsfólk sem getur útskýrt fyrir mér hvað er í boði og hvað ég þarf að borga. Kannski er ég bara svona vitlaus.