Það var einhver grasasni sem hringdi í mig klukkan 5:15 í morgun. Djöfull var ég ekki sáttur. Svo er númerið ekki á skrá. Ekki frá því að ég láti hringja nokkrum sinnum í númerið í nótt til að angra viðkomandi á móti. Jafnvel allar nætur næstu 10 árin. Það er nokkuð gott plan.

Já þá er helgin búin. Djöfull eru þessar helvetes helgar alltaf fljótar að líða. Maður ætlar alltaf að ná að slappa svo vel af um helgar en svo endar það með því að maður vinnur alla helgina og getur lítið slappað af. Þannig var það með þessa sem og aðrar helgar. Á morgun tekur önnur vinnuvika við. Hugsa að hún verði aðeins rólegri en sú síðasta en þegar ég segi það þá er ég auðvitað bara að reyna að plata mig. Þó það sé mikið að gera þá get ég sagt að mér leiðist. Hef gaman af því sem ég er að gera. Hugsa að ég myndi gera lítið annað en að kvarta ef ég hefði mikið meiri frítíma en ég hef. Þannig er ég nú bara. Ég stefni samt á útlandaför í sumar með minni heittelskuðu Auði. Planið er að gera eitthvað hresst og spennandi. Jafnvel fara til nokkurra landa. Allt óákveðið ennþá. Erum með nokkra staði í huga en eigum eftir að negla þetta allt saman.

Annars gerðist ég svo djarfur um daginn að senda mynd í keppni á dpchallenge.com. Lenti í 6.sæti í Country Life keppni með þessa mynd hér:

Var mjög glaður með það að vera einu sæti á eftir henni Auði sem var með ansi fína mynd í þessari keppni. Hefði reyndar viljað sjá hana í verðlaunasæti en svona er þetta bara.

Svo er ég með eina mynd í Fashion keppninni sem gengur alveg bærilega bara. Verður að gaman að sjá hvort að hún endi ekki allavega í topp 10. Ætla að reyna að vera duglegri að senda inn á dpc í nánustu framtíð. Þetta er fín leið til að halda sér við efnið að taka eitthvað annað heldur en vinnumyndir svokallaðar. Kveð í bili.

Sýningin Myndir Ársins 2005 opnaði í gær í Gerðarsafni í Kópavogi. Þetta fór allt nokkuð vel fram og það mættu mjög margir sem er alltaf gaman. Ég var miklu minna stressaður fyrir sýninguna í ár heldur en í fyrra. Núna vissi maður nákvæmlega hvað maður var að gera og því hægt að gera það á einfaldari hátt og betur. Þannig að ég er bara mjög sáttur með útkomuna.

Svo kom bók líka út samhliða sýningunni. Virkilega flott og mæli ég með að allir fái sér eintak. Þetta er fín heimild fyrir atburði ársins. Verður mjög gaman eftir svona 10-20 ár að eiga allar þessar bækur. Þetta er eitthvað sem fólk á að kaupa sér hvert ár. Það er hægt að versla hana uppi í Gerðarsafni og svo í öllum helstu bókabúðum. Kemur í búðir á morgun, mánudag. Það er sýningareintak uppi í Gerðarsafni sem er hægt að skoða. Um að gera að skella sér á sýninguna og skoða bókina í leiðinni.

Svo vildi svo skemmtilega til að ég fékk eins og ein verðlaun á sýningunni. Fékk verðlaun fyrir Mynd Ársins í flokki íþróttaljósmynda sem ég er afar stolltur af.

Annars er að finna allar myndirnar sem hlutu verðlaun hérna. Mæli samt eindregið með að þið farið á sýninguna því að það er mun nettara að sjá myndirnar stórar og uppi á vegg.

Pappírspési.

Það eru fjórir dagar í að sýning blaðaljósmyndara opnar hátíðlega í Gerðarsafni. Sem sagt á laugardaginn fyrir ykkur sem eruð ekki mjög sleyp í reikningnum góða. Síðustu dagar hafa farið í lítið annað en sýninguna. Margt sem þarf að undirbúa. Svo er bókin farin í prentun sem kemur út samhliða sýningunni. Er búinn að sjá próförk og þetta lúkkar ekkert smá vel. Edda Miðlun er að gefa hana út sem er bara besta mál. Hlakka til að sjá fyrstu eintökin heit úr prentvélinni. Myndirnar fóru upp í Gerðarsafn í morgun. Dikta sá um að prenta þær og tókst bara virkilega vel til. Gaman að sjá þær svona stórar og komnar upp á vegg. Það er búið að skipuleggja allt þannig að það verður haldið áfram á morgun að koma þeim upp á vegg, setja myndatexta við myndirarnar og fleira dúddl sem þarf að dúddla við.

Ég er virkilega sáttur með minn hlut í sýningunni. Fékk inn mun fleiri myndir en ég átti von á. Það verður mikið að gera næstu daga fram að sýningunni þannig að ég mun lítið sofa fyrr en á laugardagskvöldið þegar sýningin er farin af stað.

Er ekki eitthvað furðulegt að fyrirtæki sem heitir eitthvað .is sé ekki með vefsíðu.

Getur einhver sagt mér af hverju gaurinn og fólkið í Coca Cola Light auglýsingunni lætur ekki lífið þegar tugi þúsunda dósa fellur ofan á þau þegar þau ýta á takkann sem má ekki ýta á. Þetta meikar ekkert sens.

Var að horfa á NFS og það er mikið rætt um dani og myndbirtingarnar góðu og frægu. Ég er ánægður að ég teiknaði ekki þessar myndir. Ég held að gaurinn sé ábyggilega með nettan sammara heima hjá sér. Vúbbs. Ég er samt ánægður með arabana. Það augljóslega gildir bara auga fyrir auga og brennasendiráð, lemja fólk, drepa dani, traðka á smörebrauði fyrir eina skitna mynd af Múhammeð. Ánægður hvernig þeir eru að taka á þessu. Sýnir svo sannarlega að þeir eru ekkert svona miklir sprengigaurar og ofbeldismenn eins og þessi myndbirting átti að sýna.

Annars var talað við sérfræðing í rasisma. Hann er víst með alls konar tól sem hann notar til að berja á öðrum kynstofnum. Hann er t.d. maðurinn sem fann upp nýbúagrindina.