Gaf henni Auði vefsíðu í jólagjöf til að geyma myndirnar sínar á. Getið tjékkað á henni að sjálfsögðu á Auður.hamstur.is.

Í fyrsta lagi þá eiga þeir sem taka ekki stefnuljós á þeim stöðum sem það skiptir virkilega miklu máli fyrir aðra ökumenn í umferðinni ekki að fá neina jólagjöf. Nema ef viðkomandi er eldri en 65 ára því þá verður maður að gefa þeim sjéns. Krakkar sem leika sér að því að labba hægt yfir gangbraut eiga að fá eitt mínus stig. Og þegar mínus stigin eru orðin 3 þá fá þau einum færri pakka. Og ef mínusstigin verða fleiri en 20 þá gefur móðir barnsins sem fékk mínusstigin barninu í næsta húsi, íbúð allar gjafirnar sem viðkomandi gríslingur átti að fá.

Í öðru lagi til að gera jólastressið almennilegt jólastress þá ætti hver og einn jólagjafaþyggjandi að útbúa lista eftir jólin þar sem hann raðar gjöfunum sem hann fékk í sæti eftir því hversu góðar þær væru. Þannig að besta jólagjöfin væri í fyrsta sæti og svo koll af kolli. Þannig að ef fólk t.d. lendir í síðasta sæti ein jólin þá er eins gott að gera betur næst vegna þess að sá hinn sami fær enga jólagjöf frá viðkomandi þau jólin. Þessir listar ættu að vera gefnir út sem aukablað með Morgunblaðinu á gamlársdag.

Í þriðja og síðasta lagi þá á að vera snjór en ekki rok, rigning og slabbbbb á jólunum. Og jú eitt í viðbót. Jólalög eiga ekki að vera með heimskulegi rími.

Það lítur út fyrir að það verði ekki snjór um þessi jólin. Til að redda því er ég búinn að kaupa allan kókos á höfuðborgarsvæðinu sem ég mun síðan fara með upp á hús og henda niður á meðan aðrir fjölskyldumeðlimir borða matinn á aðfangadag. Svo að mín verði ekki saknað mun ég búa til nákvæmlega eftirlíkingu af mér úr álpappír, vaxi, smjöri og tannþráð.

Mér fannst ansi skoplegt að um daginn sá ég einhvern Fólk með Sirrý þátt þar sem var verið að gera upp Bachelor þáttinn og í þættinum voru stúlkurnar sem kepptu og piparsveinninn auðvitað og svo stúlkan sem hreppti rassálfinn. En það sem var fyndið við þetta að í salnum voru einhverjir brúnkuhanar sem kepptu í herra ísland að kommenta á keppnina. Þetta er svona eins og að fá… sjitt mér dettur ekki nein nógu heimskuleg samlíking í hug. Þetta er tvennt það síðasta sem ég myndi gera. Keppa í herra ísland… því það er bara ekki í boði og það vita allir… nema auðvitað þeir sem tóku þátt. Og svo myndi ég ekki fyrir mitt litla líf taka þátt í Bachelornum.

Svo fannst mér líka skondið þegar stúlkan sem vann sagði að allar stelpur nú til dags færu í sleik við aðrar stelpur niðri í bæ. Þetta er svona eins og að segja að allir strákar á Íslandi taki þátt í herra ísland.

Ég ætla að gefa öllum sem ég þekki jólahjól í jólagjöf. Er reyndar ekki búinn að finna neitt jólahjól þannig að ég er orðinn nett stressaður. Datt í hug að tala við Stefán um þetta og sjá hvort að hann geti reddað þessu. Annars er búin að vera nett geðveiki að gera síðustu vikur. Allir að klára allt fyrir jólin og allt á fullu. Held að þetta fari samt að róast vonandi eftir þessa viku. Ætla mér að slappa all svakalega af í næstu viku og yfir jólin.

Það sem mun eiga sér stað er videogláp. Vel valdar jólamyndir er held ég málið. Die Hard, Leathal Weapon, National Lampoons Christmas Vacation, Home Alone. Öss verður svakalegt held ég. Svo er planið að taka jólaseríubíltúrinn og sjá hörmungina. Það er svona 1 af hverjum 1000 Íslendingum sem er ekki algjör asni þegar kemur að jólaseríum. Ég bara næ þessu engan vegin ef ég á að segja alveg eins og er. Það er eins og allir haldi að þeir séu í keppni að vera með ljótustu seríurnar og verst upp settar. Sem gleður mig samt því annars væri þessi bíltúr ekki mjög skemmtilegur. Þannig að ég þakka fyrir mig. Takk takk fólk.

Svo er það síldarveislan árlega 23. desember sem við hötum ekki skal ég segja ykkur.

Ef MUFC er að fara að tapa þessum leik þá verð ég fjúríus. Fjúríus segi ég!

Ég fór örstutt út í Nóatún áðan að kaupa drykkjarmjólk og snickers… og twix reyndar líka. En það skiptir ekki miklu máli. Á meðan ég stóð í röðinni sá ég ansi æstan eiginmann. Hann var ekki að “lemja konuna sína æstur” heldur “ofur mikið að taka þátt í innkaupunum æstur”. Hann byrjaði auðvitað á því að raða betur körfunum sem voru búnar að staflast upp. Hann tók þær rösklega upp og setti þær á gólfið og smellti þeim á góðan stað undir afgreiðsluborðinu. Konan hans tók poka og ætlaði að fara að setja vörurnar í poka. Hann var ekki lengi að rífa af henni pokann og á miklum hraða þrumaði hann vörunum ofan í poka.

Týpískur maður sem fer aldrei út í búð að versla en af einhverri ástæðu hefur hann komið með þarna og við þetta æstist hann allur upp og ákvað að taka þetta alvarlega og gera þetta vel.

Dagurinn er loksins búinn og ég ætla mér að leggjast til hvílu. Hitti á James Bond, sá Sigur Rós spila eitt lag sem var alveg hreint magnað. Var svo stöðvaður af lögreglunni á leiðinni heim sem var að tjékka á ölvunarakstri. Ég er svo hás af veikindum að ég hljómaði ábyggilega eins og versti drykkjusóði. En þeir slepptu mér nú fljótlega í gegn.

Annars svipaður dagur á morgun. Nóg að gera. Vonandi þrauka ég fram að helgi. Góða nótt.

Ég er ekki frá því að ég sé að verða veikur… eða öllu heldur orðinn veikur. Vaknaði með þvílíkt í hálsinum í morgun. Gat varla talað. Rétt rúmlega 9 í morgun var hringt í mig frá fréttastofunni NFS og spurt hvort ég gæti verið við símann 20 mínútur yfir 9 og svarað nokkrum spurningum varðandi vefverðlaunin. Ég játaði því og gaf þeim upp heimasímann. En þar sem ég var ekki heima heldur hjá Auði brunaði ég heim á mettíma og var rétt kominn inn þegar síminn hringdi. Viðtalið var stutt og laggott og ég held að ég hafi ekki skitið mjög mikið upp á bak. En það gerir þá ekkert til. Svo var líka smá viðtal við mig í Morgunblaðinu í dag framarlega sem var skemmtilegt bara. Páll E. var ánægður að ég hafi minnst á hann varðandi hamborgaradómana okkar.

Annars er dagurinn búinn að vera strembinn. Var búinn að planta fjöldann allan af tökum í dag sem ég gat ekki frestað þannig að ég hef verið á ferðinni að taka myndir og frekar veikur. En planið er að verða veikur bara um helgina. Vinna í dag, kvöld, á morgun og annað kvöld og svo skríða undir sæng og sofa í svona 2 sólarhringa.

Ég er að verða of seinn í næstu töku þannig að ég kveð að sinni. Í kvöld verð ég í jakkafötum. Það gerist mjög sjaldan.