Einhvers staðar heyrði ég að hann hefði sofið hjá tveimur stelpum af þessum sem voru í fyrsta þættinum. Einni gaf hann ekki rós og ein neitaði honum um rós. Sel þetta ekki dýrara en ég keypti það.

Núna finnst mörgum manninum vandræðalegt að kaupa ýmsa hluti. Má þar kannski helst nefna getnaðavarnir. Skil reyndar ekki afhverju fólki finnst þetta svona vandræðalegt. En mörgum finnst þetta vandræðalegt og þá er þetta vandamál. Og hvað gerir maður við vandamál. Maður leysir þau. Nema ef það eru sprungin egg þá svúbbar maður þeim bara undir kókkæli og setur tóman bakkann aftur í eggjahylluna. En allavega… getnaðavarnir, þungunarpróf, einhver smyrsl til að bera á bossann á þér, jafnvel handjárn (lenti einu sinni í því en já tölum ekki um það), einhvers konar legkrem eins og í me myself and irene.

Ég er allavega kominn með lausnina á þessu. Dulbúa vörunar í öðrum umbúðum. T.d. smokkar væru í svona nettum snickersumbúðum og þungunarpróf í toblerone umbúðum. Svo stæði bara litlum stöfum hvort þetta væri toblerone eða í raun og veru þungunarpróf. Ég ætla að senda durex e-mail og kanna þetta.

Hvað er betra en að eiga xbox þegar maður er veikur. Ekki mikið betra held ég bara.

Afhverju að borga fleiri hundruð þúsund til að fara í laxveiði þegar maður getur farið á togara og fengið borgað fyrir að veiða grilljón tonn af fiski?

Ég styð það að konur fái hærri laun. Það er ein og aðeins ein ástæða fyrir því. Hér kemur stutt raunasaga sem hjálpar að útskýra mál mitt.

Ég beið í röð fyrir utan skemmtistaðinn Nasa þar sem þúsundir manns reyndu að komast inn til að sjá piltana í Ratatat slá strengi rúmlega 0:00 á laugardaginn á airwaves hátíðinni góðu. Það var troðist og trommað á mig. Á endanum komumst við Auður inn og um leið og við komum inn voru Ratatat að stíga á svið. Samt ekki sem maður borðar. Við tróðum okkur í gegnum mannhafið. Þegar við nálguðumst sviðið gekk stúlka með hendur upp fyrir haus og í annarri höndinni var stúlka með bjór í hönd. Ég flaut með fjöldanum í átt að stúlkunni og ég gat ekkert gert. Fyrst hellti hún bjór yfir myndavélina mína þegar einhver rakst í hana og svo nálgaðist sveittur, eins dags skeggs handakriki andlit mitt á ógnarhraða og ég gat ekkert gert. Handakrikinn small í andlitinu á mér og ég er ekki frá því að hárin hafi haldið í mig í eins langan tíma og hann mögulega gat. Ég var sveittur í framan og svitinn var ekki minn. Þetta var viðbjóður með meiru.

Hefði þessi unga stúlka verið með meira en 200kr á tímann í Bónus hefði hún ábyggilega haft efni á betri svitalyktaeyði sem hefði dugað henni lengur og ég ekki orðið annarramannasveittur í framan.

Áfram stelpur!!!

Þarna er held ég ástæðan fyrir því að konur eru yfirleitt með lægri laun er karlar. Þær eru að taka sér bara frí eftir klukkan 14:08 í dag. Sem þýðir að þær vinna færri tíma en karlar yfir mánuðinn. Gengur ekkert að ætlast til að fá hærri laun en vilja ekki vinna nema til 14:08.

Síðasti daguri Iceland Airwaves hátíðarinnar 2005 var í gær. Miðvikudagur, fimmtudagur, föstudagur, laugardagur. Það var mikið reykt. Ekki ég en á mig. Það flæddi dýr bjór um allar trysstur og þar á meðal yfir vélina mína í lítratali. Held samt að hún hafi ekki skaðast svo mjög. Kynntist fullt af ljósmyndurum fínum mjög. Misjöfnum þó. Þá ekki í skemmtilegheitum heldur í ljósmyndastíl. Flestir góðir, fæstir rauðir.

Miðvikudagur:
Dogdaze, Nilfisk, Býdrýgindi, Dimma, Dikta, Hermigervill, Annie.

Þetta var upphafið á hátíðinni og byrjaði vel. Gaman að sjá Nilfisk aftur með glæsilega klippingu og góðan skeggvöxt. En ekki allir þó. Hvað uppúrstóð var augljóslega Hermgervill. Sá restina af honum og hann var mjög magnaður. Stemmningin var góð og kátínan í fyrirrúmi. Annie var ágæt en ekki eins góð og ég hafði heyrt.

Fimmtudagur:
Bryndís, Dýrðin, Bob Volume, TMC, Cell 7, Daníel Deluxe & Dóri DNA, The Perceptionists, Apparat Organ Quartet, New Radio.

Myndir upp á vegg? Nei því miður. Bryndís kom á óvart. Mikið efni þar á ferð. Ekki það að hún sé feit eða neitt svoleiðis. Var sem sagt að segja að hún væri efnileg. Ekki að hún væri með mikið af efni á sér. Ekki frá því að Apparat Organ Quartet hafi verið ansi líflegir og góðir en ekki síðri voru piltarnir blökku í The Perceptionists. Ætlaði að sjá Daníel Ágúst… en hann var tveimur mánuðum og snemma.

Föstudagur:
Hölt Hóra, The End, Ben Frost with Valgeir Sigurðsson, Stórsveit Nix Noltes, Brúðarbandið, Tony the Pony, Juliette & The Licks, The Fiery Furnaces.

Þetta var góður dagur. Halta hóran var ekki það hölt því að hún hoppaði. Juliette Lewis mætti á sviðið með horn og hala. Engan hala samt. Fiery Furnaces voru með læti. En ég var samt með tappa í eyrum þannig að það var í góðu.

Laugardagur:
Hairdoctir, Dr. Mister & Mr. Handsome, Rass, Nine Elevens, Future Future, Worm is Green, Bang Gang, Zoot Woman, Ratatat.

Án efa besta kvöldið. Kalt í bænum en heitt á stöðunum.

Á heildina litið er ég ánægður með hátíðina. Mjög svo bara. 33 tónleikar að baki hjá mér. Eflaust færri og eflaust fleiri hjá sumum. Takk fyrir mig og sjáumst á næsta ári.

Í tilefin þess að Iceland Airwaves hátíðin hefst í dag sem allir ættu að fara á þá henti ég inn albúmi með úrvali af myndum frá síðustu hátíð sem aldrei hafa komist á vefinn hjá mér vegna anna.

En hér eru þær:

Fór að velta fyrir mér ef að vefurinn minn myndi sjá sig í spegli sem væri doldið dökkur væri útkoman þá ekki eitthvað c.a. svona.

Ég fann einfalda lausn á þessu vandamáli.

Þeir 143.000 manns sem eru búnir að missa heimilið sitt geta myndað skjólvegg til að verja heimilin sem enn standa. Þá græða allir. Eða allavega sumir.