Fór seint að sofa í nótt og vaknaði snemma. Náði samt góðum 2 tímum sem er ekki svo slæmt. Annars er ferðinni heitið af landi von bráðar. Ekki seinna en á eftir ætlum við Auður að skella okkur til Lúndúna og vera þar yfir helgi og 2 daga gott betur. Páll E. ætlar að vera svo almennilegur að skutla okkur en þess má geta að hann ristaði sér brauð og fékk sér Rækju ofan á brauð. Humar er ekki slæmur í hádeginu skal ég segja ykkur. Hann kenndi mér líka góða setningu þegar ég heyrði í honum í síma áðan. Gott að kunna sagði hann, “Ken you show me the way tú the wav mjúsíum”. Er á leiðinni út í Nóatún að æfa mig. Þetta kemur manni rakleyðist á vaxmyndasafn. Svo kann ég líka orðið heat sem getur þýtt bæði hiti og riðill. Closeheat… er það orð?

Annars kveð ég ykkur með söknuði. Hver veit nema að ég láti heyra í mér í London.

Nú er umtalað um allan bæ að þeir félagar Boris Spassky og Bobby Fischer áttu fund á Hótel Loftleiðum í dag. Herra Boris er að reyna að fá Herra Bobby til að tefla aftur en fiskurinn er búinn að segja að hann muni aldrei aftur tefla hefðbundna skák. Hann vill bara tefla svonefnda slembiskák sem hann fann upp.

Er ekki doldið lélegt að þegar maður finnur að maður er að verða lélgur í einhverju að finna bara upp nýjan leik sem heitir eitthvað svipað. Og þá býr maður sjálfur til reglurnar og getur ráðið öllu sjálfur og því ekkert tapað.

Ég er sko hættur að spila fótbolta ég spila bara megarassbolta þar sem maður vinnur ef maður heitir Árni og á önd sem heitir Rasmus. Viltu spila?

Ég mun seint verða leiður á næstu dögum þar sem að ég er með sár innan á vörinni þannig að ég get ekki gert leiðansvip. Þetta sár fékk ég þegar ég var að mynda KR-Fram. Ég var á leiðinni út í hálfleik þegar þrír sterkir karlmenn komu og héldu mér á meðan sá fjórði sparkaði í mig. Og hann var í takkaskóm. Og þegar ég segi þrír sterkir karlmenn og fjórði sparkaði í mig meina ég að ég lamdi sjálfan mig í andlitið með linsu. Þar sem það blæddi svo mikið úr mér þá var ég viss um að ég hefði gert gat í gegn en svo kom í ljós að svo var ekki sem betur fer. En það kúkaði fugl á bílinn minn. Held að það hvíli bölvun á þessum velli.

“Listaverk er aldrei fullgert, aðeins lagt til hliðar.”

Þetta sagði mikill og merkur maður og gáfaður mjög. Sem sagt ekki ég.

Uss er svo ekki Ac Milan vs. Liverpool á morgun í Meistaradeildinni. 26. maí verður stór dagur held ég. Þetta er eitthvað sem maður má alls ekki missa af. Verður ábyggilega hörkuleikur.

Þetta eru kannski ekki beint ný albúm. Eiginlega bara ekki ný heldur annað nýtt og hitt smá gamalt. Átti alltaf eftir að búa til linka á sjálfsmyndaseríuna og lokbrá myndirnar á http://photos.mis.is/. Þannig að núna eru komnir linkar. Ætla að vera með svona neðst ný albúm. Þannig að þegar ég bæti einhverju nýju við þá dettur það úr nýju í gamalt. Þannig að fólk sjái hvort það sé komið eitthvað nýtt á vefinn.

Er með nokkur albúm/seríur í vinnslu sem ég þarf að ganga frá og henda þarna inn. Þið getið verið viss um að ég láti ykkur vita.

Ég er að hugsa um að fara á morgun og kaupa mér hamborgara á Burger King. Og ástæðan fyrir því er auglýsingin sem er í gangi með svarthöfða þar sem hann stendur andspænis svona gaur sem er að skúra. Svo sker svarthöfði smá bita af skúringargræjunni hans. Ég ætla að alhæfa að þetta sé fyndnasta auglýsing sem ég hef séð á ævi minni. Og þess vegna ætla ég að kaupa mér hamborgara.

Guðríður var að eignast humar sem gæludýr.

Sigurjón var ansi góður á því í morgun og átti forsíðuna á Fréttablaðinu. Það vildi svo til að ég átti forsíðuna á Morgunblaðinu í dag þannig að við Sigurjón erum sannkallaðir forsíðufélagar.

Það er orðið bjart.