Archive

for January, 2005

ALMENNT

Usss…

Hinn snarklikkaði Omega gítarmógull er í Sjálfstæðu Fólki. Ég man einhvern tíman þegar ég kíkti á Omega var hann að berja börnin sín áfram að spila á einhver hljóðfæri og þetta var bara stór stór stórfurðulegt. Guð sagði honum að hætta að vinna við að keyra rútu. Drottinn tók þetta frá honum. Því Drottinn sagði honum að hann ætti að vinna fyrir sig. Hahahahahha… hann heitir Guðlaugur.

Hann er að tala um það að konan á að vera undirgefin manninum. Það standi í biblíunni og fólk er bara fífl ef það skilur ekki. Og konan hans bara tekur undir það. Fínt að vera veikari og auli. Þetta er svo mikið rugl að það nær engri átt.

Svo segir hann að hann beri ábyrgð á lækkun skatta og vöruverði almennt því hann er alltaf að biðja guð um þetta. Svo er hann alltaf að búa til einhverjar sögur. Og þær eru allar furðulega líkar einhverjum sögum úr biblíunni. Núna er hann að segja frá því þegar drottinn fór í sleik við hann þegar hann lá uppi á fjalli. Það er svo auðvelt að sjá þegar fólk er að búa eitthvað til eða segja sanna sögu. Og þetta er verra en flest allt.

Mér finnst ekkert að því að trúa á guð en þetta er ekkert annað en geðsýki.

Posted on 30. January 2005 by Árni Torfason Read More
ALMENNT

Tvær mínútur

Núna er þetta blessaða handboltamambójombó sem Íslendingar eru að ulla á sig. Sem mér finnst samt allt í góðu. Fólk heldur alltaf að þeir muni verða heimsmeistarar en við erum bara ekki það góð í handbolta. Verðum að sætta okkur við það. Ástæðan fyrir því að við komumst á þessi stórmót er sú að það eru ekki fleiri þjóðir sem taka þátt. Ég meina Brasilía er á heimsmeistaramótinu og þá er mikið sagt.

Allavega. Mér finnst að það eigi að breyta tveggja mínútna brottvísunarmerkinu. Núna er það svona lítið sætt peace merki sem dómarinn geri. Í staðin fyrir það á dómarinn að gefa manninum sem á að reka útaf fokkjúputta og ekki bara einn heldur tvö stykki. Jafnvel ef brotið var ekki það alvarlegt þá gæti hann bara rétt honum annan puttann. Fyrir bara eina mínútu.

Posted on 29. January 2005 by Árni Torfason Read More
1 2 3 5