Ákvað að smella inn annáli svipað og hann Sigurjón gerði. Hér er minn annáll. Ég fann einu sinni ál í polli. Polláll…

Janúar
Árið byrjaði sæmilega. Var að mynda fyrir Verslunarskólablaðið í janúar og febrúar sem var mjög skemmtilegt. Var líka alltaf með annan fótinn niðri á mogga. 17. janúar fékk ég að draga fram úr skápnum Árna Ofursvala búninginn þar sem mér var boðið í Grímufataafmæli. Side-kickið mitt var að sjálfsögðu með mér, Gleðigaurinn.

Febrúar
Það gerðist nú fátt í febrúar skal ég segja ykkur. Bara vinna eitthvað smá og jú… svo kom Verslunarskólablaðið út. Sérlega glæsilegt. Heyrðu það gerðist eiginlega bara fullt. Páll og Brynja fluttu á Bergstaðastrætið. Hjálpaði þeim að þröngva hinum og þessum hlutum inn um litla hurð. Tókst misvel og hlutir brotnuðu og rifnuðu hægri vinstri. Svo var það hápunktur mánaðarins. Fékk verðlaun fyrir Þjóðlegustu myndina á Sýningu Blaðaljósmyndara fyrir árið 2003. Það var nú ekkert leiðinlegt mjög nei.

Mars
Brandari mars mánaðar var frábær. Hann hljóðaði svona:
“Það mætti segja að fyrsti gaurinn sem kom til íslands og bjó til barn með konunni sinni hafi þjóðstartað.” Fáir skildu brandarann en svona er þetta yfirleitt hjá mér. Fór í jaxlatöku sem var bar alls ekki svo slæm. Skil ekki hvað fólk var alltaf að kvarta. 10. plánetan fannst. Henni var gefið nafnið Sedna. Mikil gleði út um allt land þegar MR tapaði fyrir Borgó í Gettu Betur. Það hötum við ekki skal ég segja þér. Þann 25. mars datt mér í hug að setja blogg íslandsmet með því að blogga 100 færslur sama daginn. Hófst klukkan 9:19 um morguninn og endaði daginn eftir, 26. mars klukkan 7:35.

Apríl
Það komu páskar, ég reyndi að verða myndarlegri með því að borða fyrirsætu, stöðvaði slagsmál niðri í bæ ásamt Pálusi hinum fagra, átti tveggja ára bloggafmæli, keypti mér fótbolta og ekki mikið meira.

Maí
Byrjaði að vinna fast á mogganum. Nóg að gera. Hófst handa við 100 sjálfsmyndir á 100 dögum verkefnið mitt. Stakk mig í andlitið með gaffli en varð ekki mjög meint af. Fór á Pixies 2 daga í röð. Fyrst að mynda smá og svo með henni Brynský. Átti svo afmæli sem gerist einu sinni á ári. Varð 23 ára gamall.

Júní
Fjölmiðlafrumvarpið fór virkilega í taugarnar á mér. Norður-Kóeru menn gerðu sér lítið fyrir og bönnuðu farsímanotkun. Ánægður með þá. EM í fótbolta í fullum gangi. 29. júní var haldið úr landi. Danmörk, Hróarskelda.

Júlí
Fyrstu daga mánaðarins var ég í rigningu og roki í tjaldi á Hróarskeldu. Sjaldan skemmt mér jafn vel verð ég að viðurkenna. Tónlist, bjór, bleyta, misgóður matur, rifið tjald, sturta fyrir alla… konur og kalla, whiskey… já rjúpna whiskey. Ég varð mjög reiður þegar kommurnar mínar foru í ruglið. Grét mig í svefn marga daga í röð og vikur og mánuði eiginlega.

Ágúst
Eignaðist kærustu. Annars gerðist ekki mikið hjá mér.

September
Kom með nýtt útlit á arni.hamstur.is. Keypti mér ferðatölvu.

Október
Jan Mayen diskurinn Home of the Free Indeed kom út. Klassa diskur. Var formlega valinn sýningarstjóri á sýningu Blaðaljósmyndara í ár. Svo kom föstudagurinn 22. október sem var dagur ársins hjá mér í ár tvímælalaust Jafnvel bara besti dagur ævi minnar.

Nóvember
Nóvember var mjög góður.

Desember
Desember var kaldur. Fjárfesti í ljósum, headphone-um, minniskortum og einni linsu. Hildur Vala komst áfram í ædolinu. Bakaði súkkulaðikökur og kókóskúlur. Fór í bíó. Árlega síldarveislan á Þorláksmessu. Fékk mögnuðustu jólagjöf sem ég hef fengið. Hafði það gott um jólin og á milli jóla og nýárs. Svo er það bara nýja árið. Held það verði gott gott.

Segjum þetta gott og gleðilegt nýtt ár.

Þá eru jólin búin og styttist í áramótin. Mætti þreyttur til vinnu klukkan 9 í morgun. Hefði nú ekkert haft á móti því að sofa örlítið lengur en það er nægur tími til að sofa þegar maður er orðinn gamall. Þannig að þetta er í góðu. Þarf að útrétta ýmislegt í dag eftir vinnu.

Já og meðan ég man. Ef einhver vill gefa mér svona þá væri það frábært.

Það held ég. Var að klára matinn. Kjúklingaréttur eins og fyrri jól. Öss. Ég og Paul e. vorum svona 3-4 klukkustundir í dag að keyra út jólakort og gera þau um leið. Auður var góð að hjálpa okkur. Hafið það gott um jólin.

Ég var að pæla í gær að ef þrjár gagnkynhneigðar manneskjur standa fyrir framan spegil. Ein kona og tveir karlmenn. Annar karlinn snýr sér að konunni og smellir á hana kossi. Ætli spegilmyndin sýni þá ekki manninn kyssa hinn manninn?

Hvað gerirðu á Þorláksmessu?

Djöfull verð ég pirraður á leiðindar afgreiðslufólki í búðum. Greinilega eitthvað fólk sem er að vinna yfir jólin en nennir því engan veginn. Hendir kortinu manns í borðið og er með hangandi haus. Einn asni í BT í dag sem sat bara og ætlaði ekki að nenna að afgreiða mig. Mér finnst að ég eigi að fá vald til þess að reka svona pakk á staðnum. Og hana nú!

En á morgun virðist fólk að vera að klára prófin sín. Verður þá ekki gleði?

Fór í gær á Ocean’s Twelve með Auði. Var búinn að bíða lengi eftir þessari mynd. Var mjög hrifinn af fyrri myndinni. Þessi var ekki eins góð og fyrri myndin en samt nokkuð sniðug. Skemmti mér vel. Handritshöfundar voru doldið uppteknir af því að feta í fótspor fyrri myndarinnar með rosalega plotti. Spurning hvort að plottið hafi ekki bara verið aðeins of rosalegt til að vera nógu gott. Mæli samt með að þið tjékkið á myndinni.

Fór í dag í 2 myndatökur fyrir dpchallenge.com og í annarri þeirra var ég módelið. Gaman að prufa að vera fyrir framan myndavélina.

Planið í kvöld er sjónvarpsgláp og tiltekt í herberginu mínu… vonandi.

Þarf maður ekki að vera frekar mikill fáviti til að taka þátt í Herra Ísland? Núna sitja þessir bavíanar á sviðinu í svörtum hlýrabol og eru að sýna einhvern dans sem hún þarna masmín eða jasmín eða hvað sem hún heitir hefur samið. Ef einhver sem ég þekki dettur í hug að fara í þetta afneita ég honum. Ef ég eignast einhvern tíman fyrirtæki og sé um það að ráða fólk. Þá þarf að koma fram hvort að viðkomandi piltur hafi tekið þátt í þessari keppni. Og ef hann hefur tekið þátt þá sjálfkrafa fær hann ekki vinnu. Ég vorkenni… ég vorkenni.

Það er kalt úti á sjó!

Takk fyrir að segja ykkar skoðun á vind myndunum. Endaði með að senda þessa hérna.