Ég held að síðasti rolo-molinn sem ég ætlaði að gefa mjög myndarlegri stelpu en hætti við hafi verið eitraður. Mig svimar…

Ég hef lengi ætlað að skrifa þessa hugleiðingu mína… eða veit ekki hvort þetta kallist hugleiðing eða bara… veit svo sem ekki hvað skal kalla þetta. En hér kemur þetta.

Var búinn að nefna þessa pælingu við hann Pál e. frænda minn og hann var sammála mér. Oft þegar ég er að keyra þá fer ég að fylgjast með öðru fólki í umferðinni. Og þar sem ég er piltur þá fylgist maður meira með stúlkukindunum. Svo kemur það fyrir að maður sjái einhverja stúlku sem virðist vera mjög sæt í baksýnisspeglinum… sem sagt á bílnum hennar. Maður hugsar með sér “þarna er jafnvel myndarlega stelpa á ferð”. Maður skiptir um akrein, tekur fram úr þremur bílum, keyrir yfir gamla konu með barnavagn og hund bara til þess að sjá þessa fögru snót. En svo kemur bara í ljós að þetta var alls ekkert fögur snót. Heldur bara ekki fögur snót. Þannig að baksýnisspeglar eru oft ansi svikulir.

Man einu sinni var ég með honum Pálusi og hann sá í fjarska unga dömu í ljósum klæðum og sagði “öss… þessi er nú ansi myndarleg”. Ég var eitthvað utan við mig þannig að ég sagði ekki neitt. Svo kom bara í ljós að þetta var ekki myndarleg stúlka, ekki einu sinni ómyndarleg stelpa þar sem þetta var karlpungur. Svekkjandi fyrir hann.

Er fólk almennt að fara á Októberfestivalið á morgun?

“In order to release his kidnaped sister, sports car mechanic Jackie Chan has to beat a super-criminal drag racer.”

Plottin gerast held ég ekki betri en þetta.

Núna er fólk að tala um að það nái í gögn af netinu af því að það er svo dýrt að versla í skífunni. Það er nú ábyggilega rétt því að flest allt er dýrt á Íslandi. Matur er dýr, bjór er dýr, geisladiskar eru dýrir, það kostar morðfjár að fara í bíó, föt eru dýr… það er allt dýrt. En ekki sé ég fólk vera að downloada 2kg af kjötfarsi á netinu.

Þegar maður er jafn sætur og ég þá þarf maður ekki að vita neitt.

Ég er mættur heim og kominn upp í rúm. Tók áðan mynd fyrir “Wacky Food” keppnina á dpchallenge. Þakka Brynský fyrir hjálpina. Er að horfa á Futurama sem er án ef með því fyndnara sem ég sé. Þar koma alltaf snilldarbrandararnir “Þegar ég segi… meina ég”.

“Mér finnst þú vera mjög falleg… og þegar ég segi falleg meina ég massaður og þegar ég segi þú þá meina ég ég”. Kannski ekki gott dæmi.

Ætla að leggja frá mér tölvuna og leggjast til hvílu.

Ákvörðunin að kaupa Wayne Rooney virðist hafa verið nokkuð rétt. Ekki kominn hálfleikur og pilturinn búinn að skora tvö mörk af þremur mörkum MUFC. Þetta hötum við ekki skal ég segja ykkur. Fyndið líka að hann er með svo breiðan háls að hann þarf að rífa peysuna sína smá til að hann komist í hana. Sama vandamál og ég á við að stríða. Er svo fáránlega massaður að þetta er í rauninni bara vesen. Og ef ég mætti vera einn maður núna þá væri það Ian Hodgson.

Á leið minni heim áðan kom ég við í bakaríinu hérna uppi í árbæ og keypti mér rúnstykki og kókómjólk. Þegar ég var að ganga að bakarínu sé ég hvar tvær stúlkur, kannski 11-12 ára, koma út úr bónusvideo haldandi á videospólu og þrjá troðfulla poka af nammi, kóladrykk og snakki sem þær hefðu greinilega keypt í Bónus. Þetta var það mikið magn af nammi og snakki að þetta ætti að endast í svona þrjá mánuði fyrir þær en þær hafa væntanlega ætlað að háma þetta í sig á næstu 2 klukkustundum. Hvað er málið með ungdóminn í dag? Er hann ekki að fara til helvítis? Fólk er hætt að leika sér úti og hangir inni alla daga, horfir á video eða spilar tölvuleiki. Þetta var ekki svona þegar ég var lítill. Þá var maður bara hress úti í einhverjum leikjum eða fótbolta.

Og hvað er málið með að bjóða verkfallsbörnum upp á Paradise Hotel á PoppTíví. Þetta er augljóslega ekki þáttur sem hæfir börnum. Þetta er bara allt rugl.

Fátt betra en þegar myndir koma á óvart og enda illa.

Ég hef mjög gaman af alls konar fróðleik. Og mér líkar fólk sem segir mér eitthvað fróðlegt. Ef þú kannt einhvern góðan fróðleik þá máttu endilega tjá þig.