Fáviti dagsins er án efa gaurinn sem ýtti Vanderlei de Lima í Maraþoninu á Ólympíuleikunum.

Ég hef ákveðið hvert næsta verkefni mitt verður hvað varðar ljósmyndun. Síðasta verkefni var eins og einhver af ykkur vita “100 sjálfsmyndir á 100 dögum” og næsta verkefni er ekki síður spennandi. Finnst mér allavega. Er búinn að segja einhverjum frá þessari hugmynd minni. Jafnvel að ég láti hana flakka hérna bráðum. Sjáum hvað setur.

Fór í dag að mynda mann að nafni Morgan Spurlock sem er gaurinn sem gerði myndina Super Size Me. Þetta var hress gaur og hef ég ákveðið að myndin af honum verði mynd dagsins.

Vildi bara láta ykkur vita að Þakan er í ruglinu!

Er að horfa á RÚV þar sem var verið að ræða um hvort að strandblak væri íþrótt eða bara kroppasýning. Svo var sýnt myndband frá blaki og baywatch lagið spilað undir. Frekar kjánaleg umræða verð ég að segja. Það er ekki eins og að strandblak sé eina íþróttagreinin þar sem fólk er fáklætt. Fólk er nú ekkert gífurlega mikið klætt í sundi eða frjálsum íþróttum. Þannig að mér finnst þessi umræða bara kjánaleg. Skilgreiningin á íþrótt er mjög einföld. Ef tveir eða fleiri eru að keppa um það að sigra kallast það íþrótt. Nákvæmlega eins og skák er íþrótt. Og þetta var Logi Bergmann Eiðsson að kvarta. Efast um að hann hafi eitthvað á móti því að horfa á fáklæddar stelpur hoppa um og slá í bolta. Veit samt ekki nákvæmlega hvort það var hann sem var að kvarta. Meira bara segja að annað fólk væri að kvarta. Allavega… fimleikar að byrja.

Er á vakt niðri á mogga. Ákvað að skella mér fram og fá mér eins og eitt stykki kóladrykk. Ég smellti pening í kassann og ýtti á kóktakkann. Ekkert gerðist. Ég prufa alla þrjá kóktakkana en ekkert gerist. Svo smellti ég á takkann til að fá peninginn aftur. Ekkert gerist. Þannig að ég prufa einu sinni enn og þá hrundu 4 flöskur úr sjálfssalahelvítinu. Hresst það… en mig langar ekkert í allt þetta kók. Ég náði að gefa eina flösku þannig að þetta er strax betra.

Jæja… sælt veri fólkið. Hef ákveðið að byrja með nýjan lið á þessari síðu minni. Þessi liður heitir “mynd dagsins” og planið er sem sagt að vera með eitt stykki albúm þar sem ég smelli inn einni mynd á hverjum degi. Reyni að hafa þetta alltaf mynd sem ég hef tekið sama dag og ég setti inn. En ef ég mynda ekkert þá gríp ég í einhverja gamla. Jafnvel að stundum smelli ég inn tveimur myndum. Allavega segjum þetta gott í bili.

Þórey Edda er komin í úrslit í stangarstökki. Ég ætla að spá því að hún stökkvi 4,75m og verði ólympíumeistari. Og þá skal hún gjöra svo vel að byrja að kalla sig Þórey Edda “vippar sér yfir 4,75″ Elísdóttir. Hún neitaði að kalla sig Þórey Edda “vippar sér yfir 4,6″ Elísdóttir þegar hún stökk yfir það. Annars þarf ég að segja henni frá plottinu mínu með stöngina.

“Ein pælingin mín sem gæti virkað er þessi. Ég ætla sem sagt að keppa í stangarstökki. Ég ætla að kaupa mér stöng sem bognar ekki. Svo kem ég henni fyrir í holunni sem stöngin fer í. Svo byrja ég að klífa upp stöngina þangað til ég er kominn upp á topp. Passa mig samt að koma ekki við ósýnilega vegginn sem er undir slánni. Svo þegar ég er mættur upp á topp hoppa ég létt yfir 6,98m og vinn mótið.”

En ég held að allir eigi að gefa Þóreyju eitt gott klapp. Stendur sig með prýði stúlkan.

Vitið þið afhverju Keila er í Mjódd?
- Útaf fellunum

Ákvað á síðustu stundu í gær að skella mér að mynda á Lou Reed. Þrátt fyrir háan aldur stóð kvikindið sig bara vel. Lýsingin var ekki sú besta og það mátti bara standa á sitthvorum kanntinum að mynda. Þannig að þetta var ekkert það sniðugt. Jafnvel að ég smelli samt inn nokkrum myndum við tækifæri.

Er á leiðinni núna niður í miðbæ. Tók að mér að mynda Reykjavíkurmaraþonið fyrir Reykjavíkurmaraþonið. Fór að mynda í fyrra fyrir Morgunblaðið og það var bara nokkuð skemmtilegt. Fullt af fólki og allir glaðir. Reyndar var rigning minnir mig í fyrra en núna er glampandi sól þannig að þetta verður ennþá betra.

Svo er það bara menningarnótt. Er ekki planið að vera vitlaus og í ruglinu niðri í bæ í nótt? Það held ég. Sjáumst kannski.