Sjáumst eftir 10 daga. Finn mér samt ábyggilega tölvu til að skrifa eitthvað. Annars bara heppin þið að losna við mig.

Ekkert nýtt að ég sé í ruglinu. Klukkan er að verða fjögur og ég á enn eftir að klára hitt og þetta áður en ég get kvatt góða Ísland og haldið til Danaveldis. Ég er að sjálfsögðu ekki byrjaður að pakka því ég er fjáviti. Massa það þegar ég vakna á morgun… ef ég vakna. Ég hélt ég væri búinn að týna Rasmusi sem ætlar að koma með á Hróarskeldu. Það tók mig góða 2 tíma að finna helvítið og hann var lengst ofan í kassa, uppi á lofti undir einhverju teppi. Og þegar ég segi 2 tíma meina ég 5 mínútur og þegar ég segi lengst ofan í kassa, uppi á lofti undir einhverju teppi meina ég ofan í ljósmyndatösku sem blasti við mér í næsta herbergi.

Annars ætla ég að halda áfram að ganga frá lausum endum. Ég er að horfa á fyrstu seríuna af family guy í svona 1000 skiptið. Rugl fyndið.

“Tell her a lie. It’s ok. She’s not human like us.” Bara magnað.

Dagurinn í dag fór í það að útrétta hitt og þetta fyrir ferðina á morgun. Fórum á svona átján þúsund staði en samt alltaf sömu staðina til að kaupa okkur m.a. tjald, svefnpoka, dýnu, stól, first aid-kit þegar ég og palli slösum, lás og palli vildi endilega fá sér bleik stígvél en ég lét mér nægja plastpoka. Jújú ég er að fara að skella mér á Roskilde Festival í fyrsta skipti. Við erum að tala um David Bowie, Franz Ferdinand, The Hives, Kings of Leon, Korn, Avril Lavigne, Morrissey, Muse, NERD, Pixies, Swan Lee og fokking Wu-Tang Clan. Ég mun halda í þennan leiðangur með þeim Brynju og Pálusi. Svo þekkjum við fullt af fólki sem er að fara þarna og má þar helst nefna nenni ekki að telja upp. Þetta verður allavega hresst.

Helgin var ansi skemmtileg. Kíktum í sumarbústað með góðu fólki og gleðin var mikil og smá ölvun en ekki mikil. Segi ykkur betur frá henni þegar ég get sýnt ykkur myndir með.

Annars kveð ég ykkur í bili.

Gleymdi alveg setningu dagsins. Heyrði hana í fear-factor þegar ein stúlkan sagði þegar hún átti að klifra upp tré: “I’m a model, not a monkey”. Eins og tekið úr zoolander. Rugl fyndið.

Getið séð mynd númer 51 hér.

Ef ég mætti vera einn maður núna þá vildi ég vera markmaður Portúgals, Ricardo, því hann er hetja og mig dreymir um að vera hetja. Hjartslátturinn er í ruglinu. Ricardo tók sig til og varði síðasta víti Englendinga án þess að nota hanska. Tók svo bara sjálfur næsta víti og skoraði og tryggði þar með Portúgal sigur. Áður en ég dey þá ætla ég mér að vera hetja.

Annars er ég sáttur við að Portúgal komust áfram. Ég spáði þeim sigri í upphafi mótst þegar ég og Pálus vorum að spá sigri. Held að það sé einhver peningur í potti annars man ég ekki. En ég held að sjálfsögðu með Hollendingum.

Andskotinn sjálfur hvað þetta var rosalegt.

Rakst á þetta á síðunni hjá honum Sigurjóni. Þetta er greinilega eitthvað vitlaust þar sem að ég fékk þetta:

“Árni Torfason, Your ideal job is a Garden Gnome.”

Leitaði að nokkrum áhugaverðum nöfnum og þetta kom upp:
Michael Jackson, Your ideal job is a Rear End of Panto Cow.
Britney Spears, Your ideal job is a Satan.
Ólafur Ragnar Grímsson, Your ideal job is a Spinster with cats.
Ástþór Magnússon, Your ideal job is a Stripper.
Halldór Kiljan Laxness, Your ideal job is a Porn Star.
David Beckham, Your ideal job is a Professional Tramp.
Malcolm X, Your ideal job is a Emperor of all the world.
Muhammad Ali, Your ideal job is a Heavyweight Boxer.

Nenni ekki meira.

Þakan spurði mig í dag hvort það væri ekki sniðugt að vera með svona gestaljósmyndara í sjálfsmyndaseríunni minni. Sem er svo sem ekkert svo slæm hugmynd. T.d. tók hann Sigurjón eina mynd af mér á frjálsíþróttamótinu hressa í Laugardalnum. Þarna er ég að tapa mér með 400mm kvikindið. Þannig að ef þú átt mynd af mér eða langar að taka mynd þá máttu senda mér e-míl á arni@hamstur.is.

Annars eru komnar nýjar myndir í albúmið:
- Mynd 49
- Mynd 50

Helgin nálgast og þá mun ég ekki vera að vinna aldrei þessu vant. Planið er að kíkja í bústað ásamt góðu fólki og gera alls konar vitleysu. Endar yfirleitt með því að ég og Páll erum í mestri vitleysunni eins og sést kannski á þessari mynd af okkur. Reyndar vorum við ekki í bústað þarna en hvað með það. Páll kíkti aðeins á mig áðan og við vorum að undirbúa smá fyrir bústaðinn. Svo verð ég mættur í Danaland á þriðjudaginn þar sem ég mun heimsækja skelduna kennda við Hróa Hött. Hef aldrei farið áður en hef lengi ætlað. Það verður fullt af fólki þar sem ég þekki og öss… þetta verður rosalegt. Gott að komast í smá frí. Það er búið að vera ansi mikið að gera undanfarna daga og vikur.

Þetta er ekki nógu gáfuleg spurning. Því ef fólkið sem þú ert að spyrja heyrir ekki þá svarar það væntanlega ekki spurningunni. Þetta virkar sæmilega ef þú ert að spyrja eina manneskju því ef hún svarar ekki þá veistu að hún heyrir ekki í þér. En ef þú ert að spyrja vænan hóp þá segir slatti já því hann heyrir í þér en sumir segja ekkert.

Náði að gera undarlega margt í dag þrátt fyrir mikinn og svikula hita. Keypti mér meðal annars tvær Moleskine bækur sem er fokking svalar eins og maðurinn sagði. Kíkti aðeins á KR – Fram og henti inn albúmi. Fór líka í sjálfsmyndaleiðangur og smellti inn mynd númer 48.

Annars ætla ég að fara að sofa. Vakt klukkan 10 í fyrramálið. Svo fer maður í klippingu á föstudaginn. Hver styður það að ég láti allt hárið fjúka?