“I can’t take his money. I can’t print my own money. I have to work for money. Why don’t I just lay down and die” – Homer Jay

Ég á mér alnafna.

Ég er mikið að velta fyrir mér nýjungum á síðuna mína. Er með nokkrar hugmyndir en vantar fleiri. Er eitthvað sem ykkur dettur sniðugt í hug?

Sumir eru ekki fávitar en aðrir eru bara því miður fávitar. Svona er lífið.

And when the night is cloudy, There is still a light that shines on me, Shine on until tomorrow, let it be.… hljómar í eyrum mínum þegar skrifin hefjast.

Síðustu klukkustundirnar er ég búinn að vera að dunda mér í nýju útliti á þennan vef minn. Þannig að það lítur allt út fyrir það að það séu breytingar í vændum. Er einnig að vinna í því að koma mér upp ljósmyndavef sem opnar þá væntanlega með nýjum árna.hamstri.is. Þegar ég var að pæla í því að segja þetta gott poppar enginn annar en hann Ernir inn á msn. Óvanalegt að fólk komi inn á þessum tíma. Þá hafði hann verið að glíma við rússneska dverga niðri á höfn frá því á miðnætti og því var bara að ljúka. Hann er einmitt líka vegmálari með meiru. Ég tilkynnti honum að það væri nýtt útlit á leiðinni og sendi honum smá prívjúv í tilefni þess að hann vann glímuna við rússana. Svo tapaði ég mér smá og hélt að ég væri fáránlega frægur og vinsæll sem þið getið séð hér fyrir neðan á msn samtali okkar:

árni says:
hér með verður þú fyrstur til að sjá prevjúv af breytingum
árni says:
þá getur þú sagt: “já nýr arni.hamstur.is… það er svona mánuður síðan hann sýndi mér þetta. Sömu nótt og hann gerði þetta”
árni says:
og allar stelpurnar “er það… vá.. þekkirðu hann eða hvað?”
árni says:
og þú segir “já… við erum buddies”
árni says:
og þær “ó mæ god… heldurðu að ég geti hitt hann? Bjóddonum í heimsókn”
árni says:
og þú segir “kannski maður tjékki á kallinum”
árni says:
og þær segja “stelpur eruði ekki að djóka við fáum kannski að hitta hann. ó mæ god ég verð að gera mig redí”
árni says:
eða ekki

Þetta var eiginlega ekki samtal á milli okkar heldur bara samtal við sjálfan mig. Ég held að þreytan sé farin að segja til sín svo er ég líka búinn að drekka svo mikið kók sem ég er ekki vanur að ég er held ég í ruglinu. Ég kveð.

…og þegar þau enda hljómar: A mass of gallon sloth, As flies have walls for feet, A rapturous verbatim-someone said but who is to know, And when you find the fringe, The one last hit that spent you, You’ll find the ossuary spilling by the day

Við hötum ekki The Mars Volta.

Nú hef ég gert alls konar hluti sem eru miður ógeðfelldir sem við skulum ekki fara nánar út í. Samt ekkert svona brútal ógeðslegt sko. Æji nenni ekki að útskýra. Þetta leiðir allavega allt að í kvöld gerði ég með því ógeðslegra sem ég hef gert og það var eiginlega óvart en samt ekki. Ætlaði ekki að gera þetta en það gerðist samt og ég er ekki sáttur.

Snakk. Í gær fór ég út á Select og keypti mér pylsudjöful. Beikonvafða ostapylsu með kartöflu salati. Hreinasta lostæti. Í þessari ferð fjárfesti ég einnig í rassálfur í dós og snakkpoka. Litlum paprikusnakkpoka. Ég var ekki gífurlega svangur í gær þannig að ég geymdi hann þangað til í kvöld. Ég náði mér í jógaídýfu sem er í rauinni vogaídýfa en v-ið er eins og joð. En það er önnur og lengri saga. Á einhvern undarlegan hátt þá tókst mér að hella vænum bunka af flögum á lyklaborðið mitt. Ég lít sem snöggvast á lyklaborðið og sé fram á að ég þurfi að ná mér í eitthvað dót til að ná flögunum upp áður en mylsnurnar fari undir takkana. Það væri vesen að vera með hálfan snakkpoka undir tökkunum og líka bara viðbjóður. Þá fæ ég skyndilega þessa líka ágætu hugmynd sem reyndist vera álíka heimskuleg og ég er myndarlegur. Ég beygi mig niður og ákveð að sjúga bara snakkið snöggvast upp svo ég þurfi nú ekki að standa upp. Mér datt ekki í hug að það væri kannski ryk og alls konar viðbjóður og meira að segja nokkur hár undir tökkunum. Ég hef sjaldan fengið jafn mikinn viðbjóð upp í mig í einum bita. Um leið og ég saug áttaði ég mig á því að ég væri hér með búinn að klúðra mínum málum. Ég mun seint smakka snakk aftur. Ég fæ verk í viðbeins-bringubeins-liðinn að hugsa um þetta.

Þetta er meira ofan á puttanum svo ég gleymi þessu ekki.

Ég er mikið að velta því fyrir mér að kaupa mér nýja myndavél. Gripurinn sem ég ætla að fá mér heitir Canon EOS 1D Mark IIog suss hvað hún er myndarleg. Ef ég fer í þessi kaup þá ætla ég að selja gömlu elskuna mína sem ég tími nú varla því ég elska hana svo mikið. En það er Canon EOS 1D vél sem ég keypti síðasta sumar. Hún er búin að reynast mér asskoti vel verð ég að segja.

Vill einhver kaupa?

Jói Fel er er á stöð 2. Og núna er hann að elda eitthvað helvíti og lagið “We are the Champions” er undir. Einhver midi útgáfa. Rólegur á egó-inu.

Óskar og Oddsen var að monta sig yfir því hverjir ættu afmæli sama dag og þeir. Oddsen var með Natalie Portman, Johnny Depp, Michael J. Fox og gítarmógúlinn Les Paul. Óskar var með Adam West, Jeremy Irons, “Mama Cass” Elliot, Twiggy og Kevin Zegers.

Ég er ekki frá því að ég taki þá í bakaríið því að engin önnur en hin glæsilega og þokkafulla LaToya Jackson á afmæli sama dag og ég, 29. maí. Það er óþarfi að nefna einhverja fleiri. En hérna eru samt nokkur:
Melanie B – Spice Girl stúlkukind.
Noel Gallagher – Ljótur tónlistarmaður sem var í Oasis og er.
Bob Hope – Hver þekkir ekki Bob Hope
John F. Kennedy – Maðurinn sem fann upp tannþráðinn og einnota klósett.

Getið þið slegið LaToyu Jackson út? Þið getið tjékkað hér.