Flott þegar það líður mánuður á milli skrifa hérna. En svona er þetta nú bara. Það hefur ýmislegt gerst hjá mér frá því 18.desember. Hérna kemur kannski það helsta.
Fyrirlestur í Ljósmyndasafni Reykjavíkur.
Við Billi héldum fyrirlestur um gerð ljósmyndafrásagna í Ljósmyndasafni Reykjavíkur í samvinnu við safnið og Blaðaljósmyndarafélagið. Max Houghton, ristjóri Foto8 tímaritsins, hélt fyrirlestur á undan okkur. Huga að um 100 manns hafi mætt sem er ansi góð mæting. Það er verið að vinna úr upptökum af þessum tveimur fyrirlestrum og kanna hvort það sé hægt að henda þessu á netið fyrir þá sem ekki komust. Þ.e.a.s. ef það er áhugi fyrir því. Við kynntum líka á fyrirlestrinum vefinn Miro.skara.is sem er ætlaður til að kynna ljósmyndafrásagnir fyrir íslenskum fjölmiðlum og hversu vel virkar að nota svona frásagnir í blöðin. Við erum alveg á því að þetta er það sem fólk vill. Fyrirkomulagið á þessum vef verður þannig að ljósmyndarar senda okkur myndir og síðan fáum við gest í ritstjórn í hverjum mánuði og út kemur eitt nettímarit í hverjum mánuði.
Myndir Ársins og World Press Photo
Tók saman nokkrar myndir bæði fyrir Myndir Ársins og World Press Photo. Myndir Ársins opnar 6.mars 2010 og úrslit verða kunn í World Press Photo einhvern tíman í febrúar held ég.
Nintendo
Fundum í geymslu gömlu Nintendo tölvuna hennar Auðar. Erum með nokkra leiki og þar á meðal Super Mario Bros sem hefur mest verið spilaður. Núna er verið að reyna að grafa upp hvort einhver eigi Super Mario Bros 3.
Stuttu eftir áramót fór ég í ferð til Jinka sem er bær í Eþíópíu. Fylgdist þar sem störfum á spítalanum sem ber ábyrgð á svæði sem inniheldur hálfa milljón manns. Myndasaga frá mér birtist í Sunnudagsmogganum í dag þar sem tekin voru viðtöl við feðgana Sverri Ólafsson og Jóhannes Ólafsson. Þetta var merkileg lífsreynsla að fara þarna út og það er alveg frábært starf sem fer fram á þessum spítala. Þið getið séð fleiri myndir með því að fara inn á www.torfason.is.
Vaknaði klukkan 8:30 í gærmorgun á sunnudegi sem er auðvitað ekki sem á að gera. Þurfti að skafa í þokkabót. Myndaði hann Gunnar Nelson frá morgni til kvölds þar sem hann tók þátt í Íslandsmeistaramótinu í Brazilian Jiu-Jitsu. Þetta er annað árið sem mótið er haldið og var fjölgun keppenda ansi góð. Reyndar fækkaði aðeins í hópnum vegna veikinda… eða hræðslu við Gunnar Nelson. Það sáust ansi góðir taktar á þessu móti og fullt af fólki mætti til að horfa á. Eina sem vantaði fannst mér var veitingasala sem þeir hefðu stórgrætt á þar sem að eina sem hægt er að kaupa í Þróttaraheimilinu er kók í sjálfsala. Og eins og sannur Íslendingur þá átti ég ekki klink. Nóg af mér. Það var ekki við öðru að búast en að Gunnar myndi rúlla þessu upp sem hann og gerði. Hann vann flokkinn sinn (-81kg) sem og opna flokkinn örugglega. Fékk ekki stig á sig í öllum viðureignunum. Mun klára að ganga frá þessum myndadegi mögulega í vikunni og setja inn á torfason.is. Það er reyndar meira væntanlegt á torfason.is. Sagan mín frá Eþíópíu er nokkurn vegin klár þannig að hún kemur bráðlega líka.
Hérna er videosamantekt frá mótinu sem er líka að finna inn á bardagi.is.
Bókin mín með myndum frá Iceland Airwaves hátíðinni frá 2002-2006 verðu til sölu yfir Airwaves í Eymundsson bæði í Austurstræti og Skólavörðustíg. Og mögulega í Mál og Menningu á Laugaveginum. Mæli með að þið grípið ykkur eintak. Hún mun kosta skít á kanil eins og maðurinn sagði. Held að hún verði á um 700kr.
Gunnar Nelson heldur áfram að gera frekar góða hluti í Jiu-Jitsu heiminum. Hann lenti núna um helgina síðustu í fyrsta sæti í sínum flokki og öðru sæti í opnum flokki á Pan Jiu-Jitsu No-Gi Championship í New York. Í úrslitum í opnum flokki lenti hann á móti Rafael Sapo sem er æfingarfélagi hans í Renzo Gracie Academy í New York. Þannig að það var kastað upp á hvor fengi gullið. Veit ekki afhverju það er. Vildi að gamni deila með ykkur tveimur myndum af þeim félögum að glíma á æfingu sem ég tók í desember í fyrra. Þetta var virkilega jöfn glíma og hefði getað dottið hvoru megin. Þannig að kannski var hlutkesti ekkert svo galin hugmynd þó svo að ég sé viss um að Gunnar hefði haft hann.
Það hlaut að koma að því að Gunnar Nelson yrði svartbeltingur. Gunni lenti í fjórða sæti í opnum flokki á ADCC 2009 í Barcelona og eftir það ákvað Renzo Gracie sem er víst afar strangur á beltagjöf að veita honum svarta beltið. Miðað við árangurinn sem hann er að ná í greininni er ekki spurning að hann á þetta skilið.
Það er ekki einfalt að ná svona langt í íþrótt sem þessari. Mikil og erfið vinna sem hefur farið fram hjá Gunnari. Eins og einhverjir vita þá fór ég til New York í Desember 2008 til að fylgjast með daglegu lífi og æfingum hjá Gunnari. Getið séð afraksturinn af þeirri ferð hérna.
Það gerist nú ekki oft þó svo það gerist einstaka sinnum að bæði Morgunblaðið og Fréttablaðið eru með mynd á forsíðunni hjá sér sem eru nánast eins. Það gerðist í dag, daginn eftir 12-0 sigur Íslands á Eistneska kvennalandsliðinu. Myndirnar getið þið séð hérna fyrir neðan. Smellið á myndina til að sjá stærri útgáfu.
Kristinn Ingvarsson á myndina hjá Morgunblaðinu en Vilhelm Gunnarsson mynd Fréttablaðsins.
Er svona hægt og rólega á síðustu vikum búinn að fara í gegnum allar myndirnar sem ég tók á spítalanum í Jinka í Eþíópíu í byrjun árs. Búinn að koma mér upp ágætis ferli þegar ég er að búa til sögur. Felst í rauninni bara í því að fækka myndunum hægt og rólega. Núna eru myndirnar komnar niður í c.a. 50 myndir sem ég er búinn að prenta út. Byrja sem sagt að velja í tölvunni og þegar ég er kominn niður í c.a. 50 myndir þá prenta ég út og dreyfi fyrir framan mig. Ágætt að fá einhvern utanaðkomandi til að kíkja á söguna með sér. Fínt vegna þess að viðkomandi hefur ekkert séð af sögunni og er því þannig séð hlutlaus. Hef bæði notið góðs af Sigurjóni og Billa í þessum efnum.
Top 10 Reykjavík and Iceland sem Dr. Gunni skrifaði og ég, Auður og Billi sáum um að myndskreyta er komin í búðir. Kostar 2.490kr og er á ensku. Er hugsuð fyrir ferðamennina en ég held að Íslendingar ættu að geta haft gaman af henni líka. Það var allavega fullt þarna sem kom mér á óvart.
Næsta bók sem ég sé um uppsetningu á er bókin “Úrvalið” eða “The Selection” sem Einar Falur hefur yfirumsjón með. Við erum að tala um 13 bestu íslensku ljósmyndarana frá upphafi og þetta er ansi myndarleg bók. Eitthvað sem ljósmyndarar og annað áhugafólk um íslenska sögu ætti ekki að láta fram hjá sér fara. Bókin kemur út samhliða sýningu sem verður haldin fyrst í Listasafni Akureyrar og síðan í Hafnarborg í Hafnarfirðinum. Held að allir ungir ljósmyndarar á Íslandi ættu að skella sér á þessa sýningu og kanna bókina. Mikilvægt að þekkja sögu íslenskrar ljósmyndunar. Meira um það seinna þegar hún kemur úr prentun.
Viewbook PhotoStory 2009 challenges documentary and conceptual photographers around the world to create compelling stories with a linear series of photographs in an online gallery; photo stories that are judged by the public and an internationally renowned jury. Every professional photographer and emerging talent can enter and win publications and great prices.
Sendi annars vegar söguna um Gunnar Nelson sem ég gerði í New York. Getið séð hana hér. Hins vegar sendi ég inn Commercial Whaling seríuna mína sem þið getið skoðað hér. Ef þið viljið þá getið þið farið þarna inn og kosið hvað ykkur finnst gott og hvað ekki. Virkilega mikið af sögum þarna og margar hverjar ansi góðar.
