LJÓSMYNDUN

posts displayed by category

2013 - Íþróttamynd ársins
LJÓSMYNDUN

Sýning blaðaljósmyndara í 10 ár

Ég tók fyrst þátt í sýningu blaðaljósmyndara árið 2003. Kom mér hressilega á óvart að það ár fékk ég verðlaun fyrir Þjóðlegustu myndina. Sú mynd var tekin á 17.júní og það var grenjandi rigning. Fjölskylda sat í hóp með regnhlífar og bleikan kandíflos. Vissi held ég ekki af því að það væru veitt verðlaun fyrir þjóðlegustu myndina en myndin var svo sannarlega þjóðleg. Árið eftir fékk Þorvaldur Örn Kristmundsson mig til að aðstoða hann við sýninguna þar sem hann var formaður og ég tók að mér hlutverk sýningarstjóra. 2004 og 2005 var ég sýningarstjóri og tók svo við embætti formanns blaðaljósmyndarafélagsins 2006 og var til 2008. Fyrir Myndir Ársins 2004 þá var ákveðið að gefa út bók með myndunum sem voru á sýningunni í fyrsta skipti. Ég held ég fari með rétt mál þegar ég segi að það var hugmynd Þorvaldar að byrja með bókina. Bókin flakkaði aðeins á milli mismunandi útgáfuaðila næstu árin en svo var það 2009 þegar ég stakk upp á því við Tómas hjá Sögum hvort það væri ekki tilvalið að taka það að sér að gefa út bókina. Frá 2009 hef ég séð um umbrot á bókinni og eru þær orðnar núna 5 talsins. Hægt að versla þær ef þið hafið áhuga hjá Sögum útgáfu. Hver veit nema að ég sannfæri Sögur um að búa til einhvern pakka með 5 bókum á einhverju stórkostlegu verði fyrir næstu jól.

Hérna er listi yfir þær myndir sem ég hef fengið verðlaun fyrir á þessum 10 árum sem ég hef tekið þátt í sýningunni.

2003 - Þjóðlegasta myndin2003 – Þjóðlegasta myndin.

2005 - Íþróttamynd ársins

2005 – Íþróttamynd ársins

2006 - Landslagsmynd ársins

2006 – Landslagsmynd ársins

2006 - Mynd ársins

2006 – Mynd ársins2013 - Íþróttamynd ársins

2013 – Íþróttamynd ársins

 

 

Posted on 17. February 2014 by Árni Torfason Read More
A39A8187
ALMENNT LJÓSMYNDUN

Stokkhólmur og Zlatan

Fyrsta maí síðastliðinn fluttist ég frá Íslandinu góða yfir í Svíþjóðið góða. Við vorum hjá frændfólki í Staffanstorp sem er í suðurhluta Svíþjóðar í tæpan mánuð og færðum okkur svo yfir á áfangastað. Nú verður heimili mitt í Stokkhólmi allavega næstu 5-10 árin geri ég ráð fyrir. Auður, konan mín, er að vinna á Karolinska sjúkrahúsinu í Solna. Ég verð að vinna hjá bókaútgáfu sem er staðsett bæði á Íslandi og í Svíþjóð. Spennandi tímar þar framundan. Planið er svo að reyna að vera duglegur að taka myndir. Þannig að ef ykkur vantar ljósmyndara í Stokkhólmi þá megið þið endilega hafa samband. Best er að ná í mig með því að senda e-mail á mig á arnitorfa@gmail.com. Eða þá í gegnum facebook.

Við erum búin að gera þetta helsta sem þarf að gera til að koma sér af stað í nýju landi. Kennitala, id-kort, bankareikningur og svoleiðis hressleiki. Við erum í húsi núna sem við leigjum til 25.júlí og förum svo í íbúð í Kungsholmen þar sem við leigjum af tveimur læknum sem eru að fara í skiptinám til Boston. Leikskólinn sem Elísa dóttir okkar fékk pláss á er í 3-5mín göngufæri frá þeirri íbúð. Auður verður c.a. 15-20mín að hjóla á spítalann. Stutt í fullt af ströndum og veitingastöðum. Þetta verður í fyrsta skiptið í ansi mörg ár sem við verðum bíllaus. Er nokkuð spenntur að prufa að vera bíllaus. Samgöngurnar hérna eru í góðu lagi og alltaf verið að bæta þær.

Um daginn skellti ég mér í Friends Arena og myndaði Svíþjóð gegn Færeyjum í undankeppni heimsmeistaramótsins. Ég hef alltaf verið hrikalega hrifinn af Zlatan Ibrahimovic þannig að það skemmdi ekki fyrir að hann spilaði allan leikinn. Skoraði tvö mörk og var með alls konar gott vesen sem ég kann að meta. Munurinn á honum og t.d. Suarez og Mascherano er að Zlatan er endalaust að gera litla lúmska hluti. T.d. kastaði hann boltanum í andlit markmanns Færeyja en gerði það svo fáránlega lúmskt að hann fékk ekki einu sinni spjald fyrir. Svo var hann duglegur að láta varnarmenn Færeyja vita að hann væri búinn að skora tvö mörk en þeir ekkert. Á meðan Suarez bítur og Mascherano sparkar í bílstjóra. Þannig er mjög auðvelt að elska Zlatan en hata S og M eins og ég vil kalla þá.

Munurinn að taka myndir á Friends Arena og t.d. Laugardalsvellinum er svakalegur. Ég vil ekki gera lítið úr Laugardalsvellinum eða fólkinu sem sér um hann. Virkilega vel að öllu staði í þeim málum. En völlurinn í Stokkhómi er yfirbyggður sem þýðir að það er ekkert rok og engin rigning. Flóðljósin eru virkilega flóðljós þannig að lýsingin er alltaf eins. Mæli með að Ísland splæsi í svona þjóðarleikvang.

Ef þið hafið áhuga á að skoða myndir sem ég tók á leiknum getið þið séð þær hér: http://www.demotix.com/news/2144181/sweden-defeats-faroe-islands-2-0-2014-world-cup-qualifier

Stefni svo á að skella mér að mynda leik með AIK og svo er úrslitaleikur á evrópumóti kvenna í knattspyrnu í lok júlí.

Posted on 13. June 2013 by Árni Torfason Read More
_21O2279
LJÓSMYNDUN VIDEO

Myndir ársins 2012

Ég tók þátt fyrst í sýningunni Myndir Ársins árið 2003 þannig að í ár var það í tíunda skipti sem ég tók þátt. Ég er ekki að mynda ýkja mikið fréttatengt þessa dagana þannig að það var ekki úr miklu að velja þegar ég sendi í sýninguna í ár. Engu að síður er alltaf hægt að finna eitthvað. Fékk í ár tvær myndir inn á sýninguna sem er bara aldeilis ágætt miðað við það að ég er ekki alla daga alltaf að taka myndir. Önnur myndin var í umhverfisflokknum og hin í íþróttaflokknum. Svo til viðbótar þá gerðum við Brynjar Gunnarsson smá video sem við fengum inn í myndskeiðaflokkinn. Þetta var í rauninni ljósmyndafrásögn sett upp sem myndband. Við fylgdum pari eftir sem voru bæði að keppa í WBFF European Championship sem var haldið hér á landi. Getið séð þessar tvær myndir mínar og videoið hérna fyrir neðan.

WBFF European Championship 2012

WBFF European Championship 2012

Skútuvogur. 2012.

Skútuvogur. 2012.

Posted on 19. March 2013 by Árni Torfason Read More
LJÓSMYNDUN

Flashlaust Airwaves

Það hefur verið mikið tíska hjá íslenskum tónleikaljósmyndurum að nota second curtain flash þegar tónleikar eru myndaðir. Sumar svoleiðir myndir geta alveg verið sæmilegar ef þetta er vel gert en hins vegar eftir að hafa horft á sömu ljósmyndarana taka nákvæmlega eins flashmyndir ár eftir ár eftir ár þá er hreinlega komið nóg. Lang flottustu tónleikamyndir sem ég hef séð eru svo sannarlega ekki teknar með flashi. Það eru margir held ég að nota flash til að fara einföldu leiðina. Þruma vélinni upp í loft, taka mynd, hreyfa myndavélina, endurtaka þetta stanslaust í 10-20mínútur á meðan hljómsveitin spilar. Og halda að þetta sé svaka flott og fínt og ekki verra að þeim sem finnst þetta flott eru duglegir að peppa þessa ljósmyndara upp og fyrir vikið halda ljósmyndararnir áfram að taka þessar sömu myndir.

Dæmi um second curtain flash mynd.

Ég skora hér með á ljósmyndara sem eru að mynda á Airwaves hátíðinni að skilja flashið sitt eftir heima. Þetta verður líklegast erfitt ef þið eruð vön að nota flash en útkoman verður miklu betri. Ef einhver tekur áskoruninni og prufar þetta þá væri gaman að sjá myndir frá viðkomandi. Ekki væri verra að sjá myndir frá því í fyrra sem allt var tekið með flashi og svo í ár sem flashið var heima.

Ábyggilega svona helmingurinn af ykkur sem les þetta finnst ég vera fífl að segja þetta og þið bara haldið áfram að flasha og satt að segja er mér nákvæmlega sama.

Svo er ekki galið að reyna að mynda eitthvað annað heldur en bara böndin. Fullt af góðum römmum sem leynast þarna úti. Hérna eru nokkrar frá Airwaves í fyrra.

Hreyfðar myndir eru ekki endilega slæmar myndir.

Stúlka í rauðum skóm í Hafnarhúsinu.

Skuggahljómsveit í Hafnarhúsinu.

Tekin inn um glugga á Fríkirkjunni.

Posted on 14. October 2010 by Árni Torfason Read More
1 2 3 6