Fór um daginn með flugi til Akureyrar. Tók þessa á símann yfir Grafarholtinu.

Hjólhýsi – 5.febrúar 2011

Er ekki vinsælt að fólk setji sér einhver markmið fyrir árið. Það er alltaf vinsælt að ætla að koma sér í eitthvað form. Losa sig við aukakílóin. Fara í ræktina 2x á dag og borða bara gulrætur með sellerí. Ég ætla ekki að mæta í einn einasta líkamsræktartíma á árinu. Ég ætla hins vegar að spila fótbolta einu sinni í viku og þess á milli ætla ég mögulega að bregða mér út að hlaupa og stunda léttar æfingar hérna heima. Planið er svo sannarlega að minnka við mig í kókdrykkjunni sem hefur verið mikil undanfarin ár. Tók kaldan kalkún á þetta í smá stund á árinu 2010 sem var ágætis hugmynd. Tek annan svoleiðis pakka kannski í febrúar og sé hvernig það gengur.

Annað markmið er að fjölga myndunum mínum á istockphoto.com um helming. Úr 200 í 400 myndir. Sjáum hvernig það gengur. Einnig er ég með nokkrar hugmyndir af myndasögum sem verða vonandi að veruleika. Einnig var ég með hugmynd að reyna að taka eina mynd á mánuði sem ég er almennilega sáttur með. Það hefur lítið verið tekið af myndum nema þá af dóttir minni eftir að hún fæddist í apríl 2010. Sem er reyndar ekki svo slæmt.

En augljósasta og fyrsta og mikilvægasta markmið 2011 er að vinna Sigurjón í Fantasy Premier League. Hann hefur á mig 45 stig sem ég vonast til að saxa á jafnt og þétt á næstu vikum. Spennandi tímar framundan.

Hver eru þín markmið á árinu?

Það fór líklegast fram hjá fæstum sem fylgjast með fótbolta að í leik Ajax og Real Madrid í næst síðasta leiknum í riðlakeppninni í Meistaradeildinni tók Márihinnihó þá ákvörðun að láta tvo af leikmönnum sínum sem voru með gult spjald á bakinu fá viljandi rautt spjald. Þetta gerði hann til að þeir tækju út bannið sitt í síðasta leiknum í riðlakeppninni í staðin fyrir að eiga á hættu að vera í banni í 16-liða úrslitum. Þetta er þannig séð ekki ólöglegt en svo siðlaust er þetta að það fjölgar líklegast í helvíti. Það eru nokkrir kostir í stöðunni fyrir FIFA.

1. Gera ekki nokkurn skapaðan hlut. Sem þýðir að fleiri lið fara að gera þetta og þar með skemmir þetta knattspyrnuna.

2. Setja fordæmi og setja þessa 2 leikmenn í 2-3 leikja bann þar sem þetta var eins greinilegt og það gerist.

3. Gera ekkert sýnilegt. Hins vegar reka þessa leikmenn báða af velli í 16-liða úrslitum fyrir lítið sem ekkert. T.d. væri hægt að reka þá af velli ef annar hvor þeirra tekur aukaspyrnu. Meta það þannig að þeir líklegast vilja fá rautt spjald í hvert skipti sem þeir taka aukaspyrnu.

Hvað segið þið. Hvað finnst ykkur rétt að gera?

Sá flotta auglýsingu á mbl.is áðan. “Jónína Ben fæst í Office 1 -50% afsláttur!” Er verið að selja hina raunverulegu Jónínu Ben í Office 1? Er verið að selja bókina hennar með -50% afslætti. Ég lít á að 50% afsláttur þýði að þú átt að borga helmingi minna fyrir vöru. En ef þú ert að selja eitthvað með -50% afslætti… þarf þá ekki að borga meira fyrir vöruna? Jón Gnarr hlær allavega af þessari vitleysu með mér.

Google finnur ekki einu sinni -50% afslátt.

Hef lengi verið með það bakvið eyrað að eignast MacBook Pro fartölvu. Er með MacBook Air sem hefur reynst mér mjög vel. Er hrikalega fín á ferðalögum og í sófabráws. Er alltaf öðru hverju að henda upp bókum sem krefjast þess af mér að ég noti apple. Aðallega vegna fontamála. Fæ sem sagt uppsetninguna í hendurnar og allir fontar fylgja með bara fyrir apple. Þetta eru bækur sem eru þýddar yfir á íslensku. Alls konar barnabækur og Ripleys og fleira í þeim dúr. Þannig að ég væri alveg til í að vera með hressar fartölvu til að geta leyst þessi verkefni.

Eins og staðan er í dag þá er þetta tölvan sem ég er að pæla í að fá mér:

MacBook Pro 15″
2.53GHz Intel Core i5 örgjörvi
6gb DDR3 vinnsluminni (uppfæri úr 4gb)
500GB 7200RPM harður diskur (uppfæri úr 5400RPM)
Hi-Res Anti-glare skjár (uppfæri úr skjánum sem fylgir með)

Tölvan myndi einnig nýtast í að vinna myndir. Kemur oft fyrir t.d. að bæði ég og Auður, kærastan mín, erum bæði að ganga frá ljósmyndum sem við höfum verið að taka. Sem þýðir að það væri ágætt að geta verið með aukatölvu í það.

Ég var búinn að skoða 13″ macbook pro tölvuna en held að það væri gáfulegra að fara í 15″ skjá og öflugri örgjörva í það sem ég ætla að nota hana í. Á í rauninni 13″ macbook air sem er “ferðatölvan okkar”. Þannig að þessi tölva þarf ekki að vera eins mikið “ferða”. Eruð þið með einhverjar pælingar varðandi þetta? Ætti ég að fara í 8gb minni? Ætti ég að fara í i7 örgjörvann eða er það allt of mikið? Hi-Res Glossy skjár frekar en Anti-Glare? Væri gaman að fá að vita hvað þið hafið að segja um þetta.

Og svo er spurning hvar maður á að kaupa?

Það eru margir að tala um markið sem Nani skoraði gegn Tottenham í gær. Atvikið var c.a. svona. Það kemur sending inn í teig, Nani fellur við og vill fá vítaspyrnu. Boltinn fer í hendina á Nani. Gomes, markmaður Tottenham, tekur boltann upp. Kastar honum góða 3-4 metra framar heldur en Nani fékk boltann í höndina á sér. Hann heldur að það sé aukaspyrna. Nani stendur upp bandbrjálaður yfir að hafa ekki fengið vítaspyrnu. Hleypur að boltanum. Lítur á dómarann. Dómarinn ypptir bara öxlum. Nani skýtur og skorar.

Í fyrsta lagi á þetta eina mark örugglega ekki eftir að skipta það miklu máli þó svo að miðlar landsins tali um að Nani hafi tryggt United sigur með þessu marki. Staðreyndir er sú að staðan var 1-0 fyrir Manchester og 5 mínútur eftir. Líkurnar að Tottenham væri að fara að skora voru ekkert svakalegar en vissulega einhverjar.

Að mínu mati er markið fullkomlega löglegt. Mjög einfalt satt að segja. Dómarinn dæmir ekki vítaspyrnu þar sem hinn fallgjarni Nani á það ekki skilið fyrir leikaraskap síðustu ára. Uppsafnað hjá honum blessuðum. Boltinn fer vissulega í höndina á Nani en dómarinn ákveður réttilega að beyta hagnaðarreglunni. Gomes er með boltann og Tottenham getur skellt sér í hraða sókn á meðan Nani liggur og grætur í grasinu. Gomes hins vegar kastar boltanum 3-4m frá þar sem hendin átti sér stað. Að sjálfsögðu tekur Nani bara boltann og skorar. Hefði aldrei átt að líta á dómarann heldur bara taka boltann og skora þar sem að aldrei flautaði dómarinn. Mér sýnist það vera Scholes sem er með hlutina algjörlega á hreinu. Hann virðist spyrja dómarann hvort hann hafi flautað. Bendir á boltann. Hann síðan tekur á rás að marki um það leiti sem Nani spyrnir boltanum í markið.

Ef þið eruð með aðrar skoðanir á þessu marki þá væri gaman að heyra þær. Einnig ef einhver er með reglurnar 100% á hreinu þá væri ég til í að vita hvað dómarinn hefur leyfi til. Gæti hann t.d. dæmt svokallaðan rugling. Af því að Gomes ruglaðist og hélt að það væri aukaspyrna? Og vinsamlegast svara þessari seinni spurningu ef þið eruð með reglurnar á hreinu ekki að þið haldið að þið séuð með þær á hreinu.

Fór í gegnum visir.is og henti út óþarfanum og eftir stóð c.a. 1/6 af síðunni. Vantar auðvitað eitthvað af dóti þarna inn sem þeir eru ekki með á síðunni hjá sér.

Kem kannski með nánari útlistun á þessum nýja vef þeirra ef ég nenni að koma mér í gegnum hann. Ætla að leyfa honum að “reyna” að venjast í nokkrar vikur áður en ég bauna yfir hann. En í fljótu bragði er þetta alveg skelfilegt.

Það hlakkaði í mörgum andstæðingum Manchester United þegar upp komu sögusagnir að Wayne Rooney væri á förum frá félaginu. Byrjaði á fréttaflutningi að Ferguson og Rooney hefðu rifist eftir að Rooney sagði að hann hefði ekki verið meiddur á ökla en Ferguson sagði að hann væri meiddur á ökla. Strax og þetta kom upp var ég með kenningu að Ferguson og Rooney hefðu ákveðið þetta í sameiningu til að færa athyglina frá Rooney og vændiskonunni yfir á rifrildi á milli þeirra tveggja. Miðað við öll plottin sem Ferguson hefur plottað í gegnum árin þá fannst mér þetta ekki galin hugmynd. Fréttir fóru síðan að berast af því að Rooney vildi frá félaginu því hann væri ekki ánægður með stefnu félagsins. Ég kom með þá kenningu að mögulega væri þetta annað plott á milli hans og Ferguson að fá aukið fjármagn til að kaupa leikmenn. Rooney segist vilja fara nema að stór leikmaður verði keyptur í janúar. Liðseigendur vilja auðvitað ekki missa Rooney þar sem hann er stórt nafn og halar inn fullt á búningasölu. Eigendur samþykkja þá að halda honum og kaupa í janúar.

Mögulega er þetta raunin þar sem Rooney skrifaði undir 5 ára samning við United.

Einhverjir eru með kenningu um að þeir hafi gert samning við Rooney til að fá gott verð fyrir hann í janúarglugganum. Við sjáum hvað setur. Eruð þið með einhverjar kenningar?